[Фота] Сустрэча абразоў Маці Божай ва Уселюбе
У мінулую суботу адна са старэйшых парафій нашай краіны - св. Казіміра ва Уселюбе сустрэла копіі цудадзейных абразоў з беларускіх санктуарыяў.
Гэтым часам з навагрудскім касцёла св. Міхаіла Арханёла, дзе двумя тыднямі раней прыбывалі Марыйныя вобразы, стартавала пешая пілігрымка да Маці Божай Новага Жыцця ва Уселюб. Пакутная пілігрымка перапрашэння за грахі супраць жыцця. Белыя крыжы ў руках пілігрымаў, як сімвал статыстычнай колькасці абортаў, што адбываецца ў Беларусі штодня...
Ушанаваць вобразы Маці Божай ў касцёл прыходзіла шмат братоў і сясцёр праваслаўных. Такая тэндэнцыя назіраецца ўсё больш з кожнай перэгрынацыяй!
Ксёндз Станіслаў Станеўскі CSsR, які з'яўляецца духоўным кіраўніком пілігрыманацыі, распавёў пра важнасць ў нашым жыцці заступніцтва Нябеснай Маці перад сваім Сынам.
"Марыя не засяроджвае ўвагу на сабе, Яна заўсёды паказвае нам на свайго Сына. Ён тут найважнейшы, і вычыць нас пакоры".
Пасля адбылася тэматычная канферэнцыя пробашча парафіі а. Віталія Цыбульскага. Разам з каталіцкімі святарамі прысутнічаў на малітве апостальскі візітатар для грэка-католікаў Беларусі архімандрыт Сяргей Гаек і дыякан Вячаслаў. Копіі абразоў прабудуць у парафіі св. Казіміра па 19 лістапада. Таксама паглядзець як гэта адбывалася можна на Youtube канале "Missa" https://www.youtube.com/watch?v=I0XTcyTXWgA&ab_channel=Missa
Фота: Віктар Ведзень
Меткі: Фота - Віктар Ведзень, Пілігрымкі, кс. Уладзіслаў Завальнюк, Канфірмацыя