Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Рух «Сужэнскiя сустрэчы»

Абраз руху Сужэнскія сустрэчы«Сужэнскiя сустрэчы» — рух у Каталіцкім Касцёле, якi арганiзоўвае рэкалекцыi для сужэнцаў. Мэтай гэтых рэкалекцый з’яўляецца паглыбленне i аднаўленне сужэнскай еднасцi i любовi. Падчас сустрэч кожная сужэнская пара можа перажыць свежасць узаемных пачуццяў, паглыбiць сваё каханне альбо адкрыць яго нанава, аднавiць адчуванне сутнасцi таямнiцы шлюбу. Мужу i жонцы прапаноўваецца дыялог, якi вядзецца толькi памiж iмi i дапамагае лепшаму ўзаемаразуменню, дапамагае радавацца сужэнскаму жыццю, нанава адкрываць яго прыгажосць. Паводле досведу, на рэкалекцыi могуць прыязджаць i сужэнцы, якiя перажываюць сур’ёзныя канфлiкты. Наогул, запрашаецца кожная сужэнская пара, якая намерваецца развiваць сваё супольнае жыццё. Рух «Сужэнскiя сустрэчы» праводзiць таксама «Вечары для закаханых» i «Вечарыны для нарачоных», якiя падрыхтоўваюць маладых людзей да таямнiцы шлюбу.

Рэкалекцыi, якія праводзяцца 2–3 разы ў год, распачынаюцца ў пятнiцу а 17-й гадзiне, а завяршаюцца ў нядзелю каля 15.00. Iх праводзяць падрыхтаваныя сужэнскiя пары i святар. Рэкалекцыi арганізоўваюцца ў рэкалекцыйных дамах альбо ў iншых памяшканнях з дастатковай колькасцю пакояў для ўдзельнiкаў (10–15 сужэнскiх пар). Падчас рэкалекцый кожная сужэнская пара мае асобны пакой.

Дзейнасць «Сужэнскiх сустрэч» скiравана на дасягненне паўнаты хрысцiянскага жыцця i дасканаласцi кахання. Яна спрыяе рэалізацыі паклiкання кожнага чалавека да святасцi праз таямнiцу шлюбу i сям’ю. Асноўным у працы руху з’яўляецца прапанова сужэнскiм парам жыць, ведучы дыялог. Псiхалагiчныя i тэалагiчныя асновы гэтага дыялога распрацаваны ў Асацыяцыi. Iстотнае значэнне маюць i «прынцыпы дыялога», а менавiта: болей слухаць, чым гаварыць, разумець, а не ацэньваць, дзялiцца, а не дыскутаваць, а самае галоўнае — прабачаць. Гэтыя прынцыпы ляжаць у аснове ўсіх формаў працы руху. Яны датычаць адносiн у шлюбе i сям’i, у асяроддзі арганiзатараў i ўдзельнiкаў супольнасцi, а таксама пры ўзаемаадносiнах з iншымi людзьмi. Асаблiвым чынам яны датычаць малiтвы, усведамлення рэальнасцi i прыняцця штодзённых рашэнняў, а таксама жыцця перад Богам. Больш чым трыццацiгадовы вопыт працы паказаў, што «Сужэнскiя сустрэчы» з’яўляюцца дзейснай формай яднання сужэнцаў i сям’i, а таксама супрацьстаяць распаду сям’i.

Рух зарадзiўся ў Польшчы ў 1977–1978 гадах. Заснавальнiкамi «Сужэнскiх сустрэч» як руху, а пасля Асацыяцыi нацыянальнага i міжнароднага маштабу ў краiнах Цэнтральнай i Усходняй Еўропы, з’яўляюцца Iрэна i Ежы Гжыбоўскiя. Iнiцыятарам першай, эксперыментальнай сустрэчы быў Станiслаў Багушэўскi. Iрэна i Ежы Гжыбоўскiя заклалi аснову далейшага развiцця праграмы, займалiся стварэннем новых апостальскiх праграм, духоўным навучаннем усiх зацiкаўленных, а таксама заснаваннем іншых цэнтраў у Польшчы i краiнах Цэнтральнай i Усходняй Еўропы. Большасць праграм створаны ў Польшчы i перанесены ў Беларусь, Лiтву, Латвiю, Малдову, Расею, Румынiю, Украiну i Казахстан.

У Беларусi рэкалекцыi «Сужэнскiх сустрэч» праходзяць рэгулярна з 2004 года (2–3 разы ў год). Удзельнiкамi могуць быць усе жадаючыя сужэнствы, нягледзячы на канфесiйную прыналежнасць i наяўнасць касцёльнага шлюбу. Запрашаюцца і пары, якія жывуць без дзяржаўнай рэгістрацыі. Сужэнствы, якія прынялі ўдзел у рэкалекцыях i пажадалі далей паглыбляць свой дыялог, кожны месяц збiраюцца на спецыяльныя заняткi.

Суполка Сужэнскія сустрэчы

Першаасновай працы з’яўляюцца Евангелле i навучанне Касцёла. «Сужэнскiя сустрэчы» маюць выразны экуменiчны характар. Асацыяцыя мае намер прыўнесцi пачуццё евангельскай любовi i дыялога ва ўсе сферы грамадскага жыцця, захаваць адзiнства ў разнастайнасцi i будаваць гэтае адзiнства з любоўю да Бога i блiжняга.

Паводле кнігі «Рухі і супольнасці»

Спатканне - апошняя нядзеля кожнага месяца ў 16:00.
Адказныя - сужэнцы Вольга Чэрнікава і Сяргей Галушка

Сайт руху - www.suvstrechi.by

«Дзень сям'і» прайшоў у мінскім Чырвоным касцёле

Радасці і цяжкасці сямейнага жыцця. Гісторыі ўдзельнікаў «Сужэнскіх сустрэч»


Рэкалекцыі для сужэнстваў

20-22 кастрычніка 2017 г. — в. Ляскоўка, вул. Карытас, 1

08-10 снежня 2017 г. — г. Баранавічы, вул. Шаўчэнкі, 6

Запіс па тэл.: +375 (29) 556-26-35
+375 (29) 140-84-56
+375 (29) 782-14-66
Іван і Алена Лубінскія

Меткі: Сужэнскія сустрэчы, Сямейны Кансультант, духоўнае жыццё

  • Кастрычнік
    2017

    Тэатр Зніч

  • Расклад начных чуванняў у мінскім Чырвоным касцёле на 2017-2018 гг.

    У парафіі Св. Сымона і Св. Алены (Чырвоны касцёл) ад кастрычніка да мая кожную першую суботу месяца будуць праходзіць начныя чуванні, прысвечаныя перапрашэнню Найсвяцейшага Сэрца Езуса і Беззаганнага Сэрца Марыі.

  • У архідыяцэзіі завяршаецца перэгрынацыя фігуры Маці Божай Фацімскай (+праграма)

    15 кастрычніка фігура Маці Божай Фацімскай вернецца ў мінскую архікатэдру — святыню, з якой год таму 16 кастрычніка распачыналася яе перэгрынацыя па парафіях архідыяцэзіі.

  • Верасень
    2017

    Тэатр Зніч

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.