Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

30 верасня — успамін св. Гераніма, святара і доктара Касцёла

ПЕРШАЕ ЧЫТАННЕ 2 Цім 3, 14–17
Усякае Пісанне натхнёнае Богам і карыснае для навучання

Чытанне Другога паслання святога апостала Паўла да Цімафея.

Умілаваны:

Трывай у тым, чаму навучыўся і што табе даручана, ведаючы, ад каго навучыўся. Бо ад дзіцячых гадоў ведаеш святыя пісанні, якія могуць навучыць цябе мудрасці дзеля збаўлення праз веру ў Хрысце Езусе. Усякае Пісанне натхнёнае Богам і карыснае для навучання, для пераконвання, для настаўлення, для выхавання ў праведнасці, каб Божы чалавек быў дасканалы, да ўсякай добрай справы гатовы.

Гэта слова Божае.

РЭСПАНСАРЫЙНЫ ПСАЛЬМ Пс 119 (118), 9–10. 11–12. 13–14 (Р.: 12b)

Рэфрэн: Навучы мяне Пане, Тваім пастановам.

9. Як юнак захавае беззаганным свой шлях? — *
Захоўваючы Твае словы.
10. Усім сваім сэрцам я Цябе шукаю, *
не дай мне адхіліцца ад Тваіх запаведзяў.

Рэфрэн:

11. У сэрцы маім я схаваў Тваё слова, *
каб не зграшыць перад Табою.
12. Благаслаўлёны Ты, Пане, *
навучы мяне Тваім пастановам.

Рэфрэн:

13. Я пералічваю сваімі вуснамі *
ўсе прысуды Тваіх вуснаў.
14. Шляху сведчанняў Тваіх я радуюся *
больш за ўсе багацці.

Рэфрэн:

СПЕЎ ПЕРАД ЕВАНГЕЛЛЕМ пар. Дз 16, 14b

Акламацыя: Аллелюя, аллелюя, аллелюя.

Адкрый, Пане, нашыя сэрцы,
каб мы зважалі на словы Твайго Сына.

Акламацыя: Аллелюя, аллелюя, аллелюя.

ЕВАНГЕЛЛЕ Мц 13, 47–52
Новае і старое

+ Чытанне святога Евангелля паводле Мацвея.

У той час:

Езус сказаў народу: Валадарства Нябеснае падобнае таксама да нерата, закінутага ў мора, што збірае рыбу ўсялякага кшталту. Калі ён напоўніўся, яго выцягнулі на бераг і, сеўшы, добрае сабралі ў посуд, а благое выкінулі вон.

Так будзе пры сканчэнні свету: выйдуць Анёлы, і аддзеляць ад праведнікаў благіх, і кінуць іх у вогненную печ. Там будзе плач і скрыгатанне зубоў.

Езус спытаўся ў іх: Ці зразумелі вы ўсё гэта? Яны адказалі Яму: Так. Ён жа сказаў ім: Вось чаму ўсялякі кніжнік, навучаны пра Валадарства Нябеснае, падобны да гаспадара, які выносіць са скарбніцы сваёй новае і старое.

Гэта слова Пана

Паводле catholic.by


Геранім нарадзіўся ў Стрыдоне ў Далмацыі, быў ахрышчаны ў маладым узросце ў Рыме і вывучаў вольныя мастацтвы ў Даната і іншых вельмі адукаваных мужоў. З рэлігійнымі мэтамі ён аб’ехаў усю Палесціну. Затым ён сышоў у вялікую сірыйскую пустыню, дзе правёў чатыры гады, вывучаючы святыя кнігі і сузіраючы благаслаўленне неба. Атрымаўшы святарскае пасвячэнне ад Паўліна, біскупа Антыёхіі, і вярнуўшыся ў Палесціну, вёў там, каля ясляў Хрыста Пана, святое жыццё і перамог пасткі д’ябла пабожнымі справамі і пастаянным чытаннем і пісаннем. Да яго, нібы да аракула, адусюль звярталіся за тлумачэннем пытанняў наконт Святога Пісання. Дзякуючы яго выключным ведам і валоданню не толькі лацінскай і грэцкай, але таксама габрэйскай і хадзейскай мовамі ў яго часта прасілі парады наконт найцяжэйшых месцаў Пісання Папа Рымскі Дамас і святы Аўгустын. Ён пераклаў з габрэйскай мовы Стары Запавет. Новы Запавет ён па загадзе Папы Дамаса верна пераклаў з грэцкай мовы і растлумачыў большую яго частку. На неба ён пайшоў у вельмі старым узросце. Ягонае цела было пахавана ў Бэтлееме, затым перанесена ў Рым і там пакладзена ў базіліцы Маці Божай Вялікай (з Ютрані Рымскага Брэвіярыя 1961).

Меткі: Субота, Слова Божае, Лекцыянарый, Разважанні

Друкаваць

  • Люты
    2020

    Тэатр Зніч

  • Адкрыццё фотавыставы

    Запрашаем на адкрыццё фотавыставы "Мир дикой природы" Клуба фатографаў дзікай прыроды Беларусі, які аб'ядноўвае каля 30 майстроў. Выстава адбудзецца 19 студзеня ў 12.00 ў Белай зале Чырвонага касцёла.

  • Студзень
    2020

    Тэатр Зніч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.
  • Запрашаем на ранішнік

    24 лістапада 2019 года а 10-й гадзіне ў бібліятэцы імя Адама Міцкевіча для дзяцей катэхетычнай школы адбудзецца Ранішнік «Так хацеў Бог».

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.