Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

8 верасня — свята Нараджэння Найсвяцейшай Панны Марыі

ПЕРШАЕ ЧЫТАННЕ Міх 5, 1–4а
Пакуль не народзіць тая, якая павінна нарадзіць

Чытанне кнігі прарока Міхея.

Так кажа Пан:

А ты, Бэтлеем-Эфрата,
найменшы ты сярод плямёнаў Юды.
З цябе выйдзе для Мяне той,
хто будзе Валадаром у Ізраэлі,
і паходжанне Яго спрадвеку,
ад вечных дзён.
Таму Пан пакіне іх да часу,
пакуль не народзіць тая,
якая павінна нарадзіць.
Тады рэшта братоў Ягоных
вернецца да сыноў Ізраэля.
І ўстане, і будзе пасвіць іх моцаю Пана,
у велічы імені Пана Бога свайго.
І яны будуць жыць бяспечна, бо тады Ён
будзе ўзвялічаны аж да межаў зямлі.
І будзе Ён спакоем.

Гэта слова Божае.

Або:

ПЕРШАЕ ЧЫТАННЕ Рым 8, 28–30
Каго Бог пазнаў, таго і прадвызначыў

Чытанне Паслання святога апостала Паўла да Рымлянаў.

Браты:

Мы ведаем таксама, што тым, хто любіць Бога — пакліканым па Яго пастанове — усё садзейнічае дзеля дабра іхняга. Бо, каго Ён наперад пазнаў, таго і прадвызначыў быць падобным да вобраза Сына свайго, каб Ён быў першародным між многімі братамі; а каго прадвызначыў, таго і паклікаў, каго паклікаў, таго і апраўдаў; а каго апраўдаў, таго і ўславіў. Што ж скажам на гэта? Калі Бог за нас, хто супраць нас? Той, які Сына свайго не пашкадаваў, але аддаў Яго за ўсіх нас, як жа не дасць нам разам з Ім таксама ўсяго?

Гэта слова Божае.

РЭСПАНСАРЫЙНЫ ПСАЛЬМ Пс 13 (12), 6 (Р.: Іс 61, 10a)

Рэфрэн: Узвесяліцца душа мая ў Богу.

6. Я спадзяюся на Тваю міласэрнасць; *
узрадуецца маё сэрца Твайму збаўленню.
Я заспяваю Пану, *
бо Ён ашчаслівіў мяне.

Рэфрэн:

СПЕЎ ПЕРАД ЕВАНГЕЛЛЕМ  Мц 4, 19

Акламацыя: Аллелюя, аллелюя, аллелюя.

Шчаслівая Ты, Панна Марыя, і годная ўсялякай хвалы;
бо з Цябе ўзышло Сонца праўды, Хрыстус, наш Бог.

Акламацыя: Аллелюя, аллелюя, аллелюя.

ЕВАНГЕЛЛЕ Мц 1, 18–23
Зачатае ў ёй ёсць ад Духа Святога

+ Чытанне святога Евангелля паводле Мацвея.

Такім было нараджэнне Езуса Хрыста: пасля заручынаў Маці Ягонай Марыі з Юзафам, перш чым пачалі жыць разам, яна зачала ад Духа Святога. Юзаф жа, муж яе, будучы справядлівым і не хочучы зняславіць Яе, хацеў патаемна адпусціць Яе.

Калі ён надумаў гэта, вось анёл Пана з’явіўся яму ў сне і сказаў: Юзэфе, сыне Давіда, не бойся прыняць Марыю, жонку тваю, бо зачатае ў ёй ёсць ад Духа Святога. Яна ж народзіць Сына, і дасі Яму імя Езус, бо Ён збавіць народ свой ад ягоных грахоў.

А ўсё гэта сталася, каб збылося сказанае Панам праз прарока, які кажа: Вось Дзева зачне і народзіць Сына, і дадуць Яму імя Эммануэль, што азначае “з намі Бог”.

Гэта слова Пана

Паводле catholic.by

Меткі: Разважанні, Лекцыянарый, Слова Божае, Пятніца

Друкаваць

  • Верасень
    2017

    Тэатр Зніч

  • Пілігрымка на Святую Зямлю 18-24 верасня 2017

    Запрашаем у пілігрымку на Святую Зямлю 18-24 верасня 2017г.

  • Пілігрымка з удзелам у кангрэсе

    Запрашаем у пілігрымку з удзелам у кангрэсе "Маці ў малітве". У плане наведванне Чэнстаховы, Кракава, Лагеўнікаў, Кальварыі-Зэбжыдоўскйа, Непакалянава (Польшча) 18-22.09.2017.

  • экскурсия

  • Cемінар

    9-11 чэрвеня ў тэатральнай зале касцёла св. Сымона і св. Алены адбудзецца семінар "Ёсць два шляхі: шлях жыцця і шлях смерці". Пачатак 9 чэрвеня а 18:00. Праводзіць дабрачынны фонд "Адкрытыя сэрцы".

  • Кандак святога Рамана Сладкапеўцы пра дараваную грэшніцу

    7 чэрвеня ў касцёле св. Сымона і св. Алены адбудзецца спеў візантыйскага богаслужбовага дзейства VI ст. "Кандак святога Рамана Сладкапеўцы пра дараваную грэшніцу". Пачатак а 19:00.