Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Урачыстасць Найсвяцейшага Цела і Крыві Хрыста, Год С

ПЕРШАЕ ЧЫТАННЕ Быц 14, 18-20
Вынес хлеб і віно

Чытанне кнігі Быцця.

У тыя дні:

Мэльхізэдэк, кароль Салема, вынес хлеб і віно. А паколькі ён быў святаром Найвышэйшага Бога, благаславіў Абрама, кажучы:
Няхай будзе бласлаўлёны Абрам Богам Найвышэйшым,
Стварыцелем неба і зямлі.
Няхай будзе бласлаўлёны Найвышэйшы Бог,
які аддаў у твае рукі ворагаў тваіх.

Абрам даў яму дзесятую частку з усяго.

Гэта слова Божае.

РЭСПАНСАРЫЙНЫ ПСАЛЬМ Пс 110 (109), 1. 2. 3. 4 (Р.: 4bc)

Рэфрэн: Ты святар навекі на ўзор Мэльхізэдэка.

1. Пан сказаў майму Пану: *
Сядай праваруч мяне,
пакуль не пакладу ворагаў Тваіх *
да падножжа Твайго.

Рэфрэн:

2. Жазло сілы Тваёй спашле Пан з Сіёну: *
будзеш валадарыць сярод ворагаў Тваіх.

Рэфрэн:

3. З Табою панаванне ў дзень Тваёй моцы, *
у бляску святасці,
з улоння перад світаннем *
нарадзіў Цябе.

Рэфрэн:

4. Пан прысягнуў і не пашкадуе: *
Ты святар навекі на ўзор Мэльхізэдэка.

Рэфрэн:

ДРУГОЕ ЧЫТАННЕ 1 Кар 11, 23-26
Кожны раз, калі будзеце есці і піць з гэтага келіха, абвяшчайце смерць Пана

Чытанне Першага паслання святога апостала Паўла да Карынцянаў.

Браты:

Я прыняў ад Пана тое, што і вам перадаў, што Пан Езус у тую ноч, у якую быў выданы, узяў хлеб, падзякаваў, паламаў і сказаў: Гэта Цела Маё, якое за вас будзе выдана. Гэта чыніце на Маю памяць. Таксама ўзяў пасля вячэры келіх і сказаў: Гэта ёсць келіх Новага Запавету ў Крыві Маёй. Кожны раз, калі Яго будзеце піць, чыніце гэта на Маю памяць.

Кожны раз, калі будзеце есці гэты хлеб і піць з гэтага келіха, абвяшчайце смерць Пана, пакуль Ён не прыйдзе.

Гэта слова Божае.

Секвенцыя

1. Гэта Хлеб анёлаў Божых,
стаў пасілкам падарожных,
што імкнуцца да нябёс.
Хлеб сапраўдны слугаў Божых
псам кідаць яго не гожа,
бо яго даў сам Хрыстос.

2. У Пісаннях прадказаны,
быў спрадвеку ўшанаваны
Хлеб спасланы ад Айца.
Богу Абрагам прыносіць
сына у ахвяру, просіць
моцы ў веры да канца.

3. І ягнё, што выбіралі,
як пасхальны дар складалі —
сімвал вобраза таго.
Манна, з неба што спаслана,
сведчыць аб любові Пана,
міласэрнасці Яго.

4. Добры Пастыр, Хлеб праўдзівы,
Езу, будзь нам літасцівы,
Нас кармі і апякай.
І з Айцоўскай дабрынёю
ў славе, на нябесным Троне
нас, дзяцей сваіх, прымай.

5. Ты ўсё ведаеш і можаш,
ўсемагутны, вечны Божа,
жывіш верных на зямлі.
Дай, каб мы ў хвале нябеснай
са святымі годнай песняй
праслаўляць той Хлеб змаглі.

СПЕЎ ПЕРАД ЕВАНГЕЛЛЕМ Ян 6, 51

Акламацыя: Аллелюя, аллелюя, аллелюя.

Я хлеб жывы, які сышоў з неба, – кажа Пан.
Калі хто будзе есці хлеб гэты, будзе жыць вечна.

Акламацыя: Аллелюя, аллелюя, аллелюя.

ЕВАНГЕЛЛЕ Лк 9, 11b-17
І елі, і насыціліся ўсе

+ Чытанне святога Евангелля паводле Лукі.

У той час:

Езус гаварыў людзям пра Валадарства Божае і аздараўляў тых, каму было патрэбнае аздараўленне. А дзень пачаў хіліцца да вечара. І прыступіўшы да Яго, Дванаццаць казалі Яму: Адпусці людзей, каб яны пайшлі ў навакольныя вёскі і пасяленні, дзе знойдуць начлег і ежу, бо мы тут у пустынным месцы. Але Ён сказаў ім: Вы дайце ім есці. Яны сказалі: У нас няма больш пяці хлябоў і дзвюх рыбін; хіба што пойдзем купім ежы на ўвесь гэты люд?

Было ж каля пяці тысяч чалавек. Але Ён сказаў вучням сваім: Загадайце ім сесці групамі па пяцьдзясят чалавек. І зрабілі так, і пасадзілі ўсіх.

А Ён, узяўшы пяць хлябоў і дзве рыбіны і паглядзеўшы на неба, благаславіў іх і паламаў, і даваў вучням, каб раздавалі людзям.

І елі, і насыціліся ўсе; і рэшты кавалкаў сабрана было дванаццаць кашоў.

Гэта слова Пана.

Паводле catholic.by

Меткі: Урачыстасць, Слова Божае, Лекцыянарый, Разважанні

Друкаваць

  • Запрашаем на ранішнік

    24 лістапада 2019 года а 10-й гадзіне ў бібліятэцы імя Адама Міцкевіча для дзяцей катэхетычнай школы адбудзецца Ранішнік «Так хацеў Бог».

  • Кастрычнік
    2019

    Тэатр Зніч

  • Верасень
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.

  • 17 сакавіка ў 12.30 адбудзецца адкрыццё мастацкай выстаўкі "На Беларусі Бог жыве!"