Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

8 студзеня — перыяд Нараджэння Пана

ПЕРШАЕ ЧЫТАННЕ 1 Ян 4, 7–10
Бог ёсць любоў

Чытанне Першага паслання святога апостала Яна.

Умілаваныя, будзем любіць адно аднаго, бо любоў ад Бога, і кожны, хто любіць, народжаны ад Бога і ведае Бога. Хто не любіць, той не ведае Бога, таму што Бог ёсць любоў.

Любоў Бога да нас адкрылася ў тым, што Бог паслаў у свет Сына свайго Адзінароднага, каб мы жылі праз Яго. У тым праявілася любоў, што не мы палюбілі Бога, а Ён Сам палюбіў нас і паслаў Сына свайго як уміласціўленне за грахі нашыя.

Гэта слова Божае.

РЭСПАНСАРЫЙНЫ ПСАЛЬМ Пс 72 (71), 1–2. 3–4аb. 7–8 (Р.: пар. 11)

Рэфрэн: Усе народы свету будуць служыць Пану.

3. Божа, дай суд Твой каралю *
і сыну караля Тваю справядлівасць.
4. Няхай судзіць народ Твой справядліва *
і прыгнечаных Тваіх паводле права.

Рэфрэн:

3. Няхай горы прынясуць спакой народу, *
і ўзгоркі справядлівасць.
4. Няхай рассудзіць прыніжаных народа, *
выратуе сыноў беднага.

Рэфрэн:

7. У дні Ягоныя закрасуе справядлівасць, *
і вялікі спакой, аж пакуль не знікне месяц.
8. І будзе Ён панаваць ад мора да мора, *
і ад Ракі аж да краю зямлі.

Рэфрэн

СПЕЎ ПЕРАД ЕВАНГЕЛЛЕМ Лк 4, 18

Акламацыя: Аллелюя, аллелюя, аллелюя.

Пан намасціў Мяне абвяшчаць добрую навіну ўбогім,
паслаў Мяне абвяшчаць вызваленне палонным.

Акламацыя: Аллелюя, аллелюя, аллелюя.

ЕВАНГЕЛЛЕ Мк 6, 34-44
Размнажаючы хлеб, Езус аб’явіў Сябе, як прарока

+ Чытанне святога Евангелля паводле Марка.

У той час:

Езус убачыў мноства людзей і злітаваўся над імі, бо яны былі як авечкі без пастыра; і пачаў іх вучыць многаму.

І як мінула ўжо шмат часу, вучні Ягоныя, падышоўшы да Яго, сказалі: Месца гэта пустыннае, і гадзіна ўжо позняя; адпусці іх, каб яны пайшлі ў навакольныя паселішчы і вёскі і купілі сабе чаго з’есці.

Ён жа сказаў ім у адказ: Вы дайце ім есці.

І сказалі Яму: Ці мы павінны пайсці і за дзвесце дынараў купіць хлеба, і даць ім есці?

Ён жа спытаўся ў іх: Колькі ў вас хлябоў? Ідзіце, паглядзіце. Яны, даведаўшыся, сказалі: Пяць і дзве рыбы. Тады загадаў ім пасадзіць усіх невялікімі групамі на зялёнай траве. І паселі радамі па сто і па пяцьдзесят.

Ён узяў пяць хлябоў і дзве рыбы, узглянуўшы на неба, благаславіў і разламаў хлябы, і даў вучням сваім, каб яны раздалі ім; і дзве рыбы падзяліў на ўсіх. І елі ўсе, і насыціліся. І набралі кавалкаў і рэшты ад рыбы дванаццаць поўных кашоў. І тых, хто еў хлябы, было каля пяці тысяч мужчын.

Гэта слова Пана.

Паводле catholic.by

Меткі: Божае Нараджэнне, Лекцыянарый, Разважанні

Друкаваць

  • Па прыкладзе Марыі
    Моладзь Чырвонага касцёла запрашае на адарацыю Найсвяцейшага Сакрамэнту 23 мая пасля Св. Імшы а 19 гадзіне.
  • Май
    2019

    Тэатр Зніч

  • Красавік
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.

  • 17 сакавіка ў 12.30 адбудзецца адкрыццё мастацкай выстаўкі "На Беларусі Бог жыве!"