Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Даследаванні: сацсеткі негатыўна ўплываюць на самаацэнку дзяцей

Даследчыкі з Універсітэта Шэфілда прыйшлі да высновы, што выкарыстанне сацыяльных сетак і месенджэраў можа аказваць негатыўны ўплыў на самаацэнку дзяцей.

Дзеці і інтэрнэтЯк паказалі вынікі даследавання, чым больш дзеці выкарыстоўваюць Facebook, Snapchat, WhatsApp і Instagram, тым менш яны адчуваюць сябе шчаслівымі ў навучанні, у школе, у сям’і, і ўвогуле ў жыцці, тым менш яны задаволены сваім знешнім выглядам. Аднак яны адчуваюць сябе больш задаволенымі ў адносінах з сябрамі.

Калі дзіця праводзіць у сацсетках адну гадзіну ў дзень, то верагоднасць таго, што яно будзе задаволена сваім жыццём, змяншаецца на 14 працэнтаў. Паводле ацэнкі даследчыкаў, гэта ў тры разы мацнейшы негатыўны ўплыў у параўнанні з жыццём у няпоўнай сям’і.

«За апошняе дзесяцігоддзе сацыяльныя сеткі змянілі дзяцінства вельмі рэзка, і гэта становіцца праблемай для палітыкаў і арганізацый, адказных за абарону дзяцей», — піша The Guardian.

Леташнія даследаванні BBC паказалі, што толькі ў Вялікабрытаніі 75 працэнтаў дзяцей ва ўзросце 10-12 гадоў маюць акаўнты ў сацсетках. Рэгулятар Ofcom паведамляў пра тое, што больш за палову дзяцей ва ўзросце трох-чатырох гадоў карыстаюцца планшэтам. Адначасова кожнае сёмае дзіця мае сваю ўласную прыладу.

У даследаванні Універсітэта Шэфілда ўзялі ўдзел чатыры тысячы рэспандэнтаў ва ўзросце ад 10 да 15 гадоў. Яно таксама выявіла, што дзяўчаты больш схільныя адчуваць сябе нешчаслівымі пад уплывам сацыяльных сетак, чым хлопцы.

Таксама даследчыкі з Пітсбургскага ўніверсітэта прыйшлі да высновы, што сацсеткі ўзмацняюць пачуццё самотнасці. На іх думку, калі чалавек штодзень праводзіць у сацсетках звыш дзвюх гадзін, ёсць рызыка развіцця ў асобы сацыяльнай ізаляцыі.

Паводле catholic.by

Меткі: Дзеці, Сямейны Кансультант

  • Кастрычнік
    2019

    Тэатр Зніч

  • Верасень
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.

  • 17 сакавіка ў 12.30 адбудзецца адкрыццё мастацкай выстаўкі "На Беларусі Бог жыве!" 

  • 40-гадзіннае набажэнства (адарацыя) у Чырвоным касцёле

    З 7 сакавіка, пасля Папяльцовай Серады, у касцёле, як і кожны год, праходзіць малітва пакланення – адарацыя.