Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Як размаўляць пра веру з тымі, хто ні ў што не верыць?

Калі я прызнаўся сваёй сяброўцы, што цяпер веру ў Бога, яна паглядзела на мяне так, нібы я сышоў з розуму. Я быў адным з тых атэістаў, якія з любой нагоды і пытання, звязаных з хрысціянствам, з пачуццём уласнай годнасці адказваў 1) цытатай з Ніцшэ, 2) цытатай з Маркса, або 3) усё вышэйпералічанае. Мякка кажучы, я быў варожа настроены ў адносінах да рэлігіі.

Ісціна не мае патрэбы ў тым, каб яе даказвалі; але варта ведаць, як яе даказаць, калі пачнуць пытацца.

Досвед мне паказаў, што думаюць людзі па абодва бакі барыкад, і я магу сказаць з упэўненасцю, што многія хрысціяне з такой стараннасцю спрабуюць заваяваць розумы і сэрцы непакорных, што дамагаюцца толькі зваротнага эфекту - людзі пачынаюць іх цурацца. У працэсе ўгаворванняў яны забываюць пра некаторыя асноватворныя хрысціянскія мудрыя правілы - менавіта тыя, якія так пераканаўча дзейнічаюць на тых, "хто ні ў што не верыць".

Вось некалькі прапаноў адносна таго, як распавядаць пра веру тым, хто не верыць.

Тое, што вы гаворыце, павінна быць, перш за ўсё, разумным, а не проста эмацыйным

Сярод тых, што адмаўляюць усялякую веру, людзей існуе меркаванне, што вера заснавана выключна на эмоцыях, і пазбаўленая разумнага кантэнту. У размове з агностыкам або атэістам хрысціяне занадта часта пераходзяць на эмацыйную мову: "Калі я даверыўся Госпаду ...", "Бог быў такі добры адносна мяне ..." і г.д.

Нічога няправільнага ў гэтым няма - мы пакліканы да таго, каб распавядаць пра сваю веру. Але атэістам і агностыкам цалкам чужая мова веры, яны знаходзяць яе нязручнай і раздражняльнай. Усё роўна, што вам прыйшлося б выслухаць цэлую тыраду пра нейкага сябра вашага сябра, якога вы і ў вочы не бачылі.

Акрамя таго, палагаючыся толькі на эмацыйны доказны бок вашай гутаркі, вы пазбаўляеце свайго суразмоўцы магчымасці даведацца пра глыбокую багатую гісторыю хрысціянскай думкі.

Вучэнні Самога Езуса - прыклад выдатнай логікі. Калі мы хочам пераймаць Ягоны стыль, то трэба прымушаць сябе гаварыць не толькі з перакананасцю, але і з разумнымі довадамі.

Памятайце, сама ісціна, можа, і не мае патрэбы ў доказе, але калі пачнуць пытацца - трэба здолець даць разумны адказ. Неабходна "быць у тэме па поўнай" - прапампаваць сябе па гісторыі і хрысціянскай філасофіі, а таксама гісторыі атэізму, каб і самім яшчэ больш умацавацца ў веры і знайсці агульныя для размоў тэмы з нашымі суседзямі. Гэта несумненна збліжае.

Шукайце агульную мову ў незямной сферы

Самае дзіўнае, што па дадзеных апытання П'ю, 68% амерыканцаў, якія не прызнаюць ніякую рэлігію, усё роўна вераць у Бога, і хочуць атрымліваць хоць нейкі духоўны вопыт. Нават самыя бескампрамісныя атэісты праявілі ўсвядомленае імкненне да чагосьці звышнатуральнага, іншымі словамі, яны хочуць не проста ведаць нешта пра Бога, але адчуваць Яго на глыбокім духоўным, незямным узроўні, выходзячы за рамкі матэрыяльнага свету.

Прасцей кажучы, як бы ні стараліся нам у нашай культуры навязаць меркаванне пра тое, што ў жыцці рэальна толькі тое, што можна вымераць, назіраць і сканаваць, дзесьці ў падсвядомасці ўсё роўна сядзіць думка пра тое, што, "у любой мове ёсць той іншы бок, на якім знаходзіцца нешта, што падтрымлівае яго, але што не месціцца ў ім ... гэта нешта мы і называем Богам".

І нават калі вы будзеце супер пераканаўча распавядаць сваім сябрам-атэістам, што супакой, якой яны адчуваюць у прыродзе, або прыліў энергіі падчас праслухоўвання музыкі ёсць ні што іншае як канкрэтны вынік жыццядзейнасці канкрэтнага Бога, вам наўрад ці ўдасца пераканаць іх у гэтым, але, па меншай меры, яны зразумеюць, што паміж вамі ёсць нешта агульнае. Мы можам нагадаць сабе пра тое, як шчодра Бог адарыў нас здольнасцю адчуваць усё, што ёсць у гэтым свеце, і дзяліцца гэтымі пачуццямі з іншымі людзьмі, распавядаючы ім пра нашыя асабістыя перажыванні ў адносінах з Богам.

Не адмаўляйцеся ад цяжкіх пытанняў

"Бог такі добры, чаму ў свеце столькі зла?", "Калі адзіны шлях да збаўлення - вера ў Хрыста, што будзе з тымі, хто нарадзіўся і вырас у нехрысціянскай сям'і?", "Адкуль мне ведаць, што Бог ёсць, калі я ніяк не магу гэта праверыць дасведчаным шляхам?".

Адказы на падобныя пытанні часта бываюць вырашальнымі для няверуючых (і, па праўдзе сказаць, для многіх вернікаў). І не тое што б хрысціянства за 2000 гадоў так і не змагло знайсці годныя адказы. Справа ў тым, што адказы на цяжкія пытанні часам не вельмі прыгожыя і прыемныя.

Таму, калі вы ў чарговы раз будзеце прагортваць Біблію ў пошуках слоў суцяшэння, не забудзьцеся, што Пісанне ў якасці лекаў можа прапанаваць і горкую пілюлю. Мы, як хрысціяне, абавязаны, асабліва падчас размовы пра веру з няверуючымі, не абыходзіць бокам цяжкія моманты ісціны, а, наадварот, смела казаць пра іх, як бы цяжка гэта ні было для нас і нашых суразмоўцаў.

Лепшае сведчанне - вашае жыццё

Вядома, саступаючы толькі Пісанню, найлепшым сведчаннем пра хрысціянства з'яўляецца жыццё ў радасці, ласцы, пакоры і любові, нягледзячы на цяжкасці і няўдачы. І калі ў маім выпадку пазнаць Бога бліжэй мне дапамаглі разумныя довады, адчуванні, што Бог рэальны на нейкім незямным касмічным узроўні, і скурпулёзнае капанне ў самых складаных пытаннях веры, то мой першы зварот да Яго адбыўся менавіта дзякуючы таму, што я заўважыў, як Хрыстос дзейнічае ў жыцці іншых вернікаў, і зразумеў, як Ён дзейнічаў у маім, нават калі я яшчэ зусім не хацеў шукаць Яго.

Мы лёгка хвалюемся, калі не бачым вынікаў нашых намаганняў у адносінах з няверуючымі. Распавёўшы пра веру аднаму з іх, разумееш, колькі яшчэ засталося. Да таго ж, ва ўсіх нас ёсць свае духоўныя сады, за якімі трэба даглядаць, і часу на клопат пра іншых проста не хапае. Але колькасць людзей, якія аддаляюцца ад Бога, узрастае, і гэта павінна па-новаму ўскалыхнуць сэрца хрысціян для актыўных дзеянняў. Я, хоць і невялікі, але ўсё роўна доказ, што вашыя намаганні цалкам могуць завяршыцца поспехам.

Віктар Ле Светман
Паводле grodnensis.by
Са спасылкай на Хрысціяне

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.
  • Запрашаем на ранішнік

    24 лістапада 2019 года а 10-й гадзіне ў бібліятэцы імя Адама Міцкевіча для дзяцей катэхетычнай школы адбудзецца Ранішнік «Так хацеў Бог».

  • Кастрычнік
    2019

    Тэатр Зніч

  • Верасень
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.