Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Як доўга дзеці павінны хадзіць на катэхезу?

Усе бацькі павінны ўсвя­доміць, што, калі яны заці­каўлены ў развіцці і добрым выхаванні сваіх дзяцей, нельга забывацца аб рэлігійным выхаванні. Гэта такая ж сфера выхавання, як, напрыклад, інтэлектуальнае ці фізічнае выхаванне. Не можа быць так, што рэлігійнаму выхаванню часу прысвячаецца менш за ўсё, а асноўная ўвага надаецца, напрыклад, фізічнаму развіццю дзіцяці. Навука веры павінна асаблівым чынам прысутнічаць у жыцці дзіцяці і маладога чалавека. Як падае Кодэкс кананічнага права, “Бацькі перш, чым хто іншы, павінны словам і прыкладам выхоўваць дзяцей у веры і практыцы хрысціянскага жыцця” (кан. 774, §2).

Катэхеза для дзяцейВа ўсіх парафіях нашай дыяцэзіі пры парафіяльных супольнасцях праводзіцца катэхеза для дзяцей, моладзі і дарослых. У катэхізацыі прымаюць удзел святары, манаскія сёстры і свецкія асобы. Сёння, на маю думку, кожны жадаючы мае доступ да катэхезы, створаны ўсе ўмовы, каб дзеці і маладыя людзі пазнавалі Бога на занятках рэлігіі.

Калі казаць пра дзяцей, то яны павінны, перш за ўсё, быць добра падрыхтаванымі да першага прыняцця сакрамэнтаў пакаяння і Эўхарыстыі, а пасля іх прыняцця “далей праз катэхетычную фармацыю больш падрабязна і глыбока навучацца” (кан 777, §3). †

У рэлігійным выхаванні існуюць свае правілы, якіх трэба прытрымлівацца. Спецыяльна распрацаваныя планы і тэмы дазваляюць ужо малому дзіцяці пазнаваць асобныя праўды веры. Спачатку такое пазнанне будзе дастаткова павярхоўным і простым, але з кожным годам дзіця пазнае ўсё больш. План катэхезы распрацаваны да выпускнога класа ўключна, каб малады чалавек пазнаваў Бога, ведаў аб каштоўнасцях і мог справіцца з рознымі праблемамі і розным вопытам, якія сустрэнуцца ў яго жыцці.

Катэхізацыя асобы не заканчваецца пасля яе паўналецця: праз спецыяльныя катэхезы маладыя людзі рыхтуюцца да шлюбу. Для людзей рознага ўзросту ў Касцёле арганізоўваюцца спецыяльныя душпастырскія групы і праводзяцца катэхезы.

Вяртаючыся да тэмы дзяцей і моладзі, трэба адзначыць, што вельмі важна, каб бацькі супрацоўнічалі з катэхетамі і клапаціліся пра рэлігійнае выхаванне сваіх дзяцей, якое не павінна скончыцца катэхезай да першай Камуніі.

Распачынаючы навучальны і катэхетычны год, варта так спланаваць час (свой, сваіх дзяцей), каб у раскладзе прысутнічалі заняткі рэлігіі. Заняткі рэлігіі павінны быць для дзяцей не чымсьці прымусовым, а, як казаў св. Тамаш Аквінскі, “адкрыццём глыбіні каталіцкай веры, якая ў першую чаргу з’яўляецца ласкай і невычэрпнай мудрасцю Бога, народжанай з Хрыстовага крыжа”.

кс. Павел Салабуда
Паводле: slowo.grodnensis.by

Меткі: Катэхеза

  • Студзень
    2018

    Тэатр Зніч

  • У Мінску пройдзе малітоўна-музычная сустрэча, прысвечаная памяці Адама Міцкевіча

    Штогод 24 снежня ля помніка Адаму Міцкевічу ў Мінску ў аднайменным скверы праходзяць «Калядныя сустрэчы», прысвечаныя памяці паэта і патрыёта сваёй Айчыны, які нарадзіўся менавіта ў гэты дзень. Сёлета таксама да ўдзелу ў імпрэзе запрашаюцца ўсе жадаючыя.

  • Снежань
    2017

    Тэатр Зніч

  • У чаканні Божага прыйсця...

    Моладзь Чырвонага касцёла прапануе ўсім ахвотным далучыцца да дабрачыннай акцыі “Калядная паштоўка”. На працягу Адвэнту з панядзелка па пятніцу пасля св. Імшы а 19 гадзіне збіраецца творчая група, каб сваімі рукамі ствараць віншавальныя паштоўкі да свята Божага Нараджэння. Сродкі ад іх рэалізацыі будуць скіраваныя на падтрымку дзіцячага дома ў Смалявічах.

  • Расклад начных чуванняў у мінскім Чырвоным касцёле на 2017-2018 гг.

    У парафіі Св. Сымона і Св. Алены (Чырвоны касцёл) ад кастрычніка да мая кожную першую суботу месяца будуць праходзіць начныя чуванні, прысвечаныя перапрашэнню Найсвяцейшага Сэрца Езуса і Беззаганнага Сэрца Марыі.

  • У архідыяцэзіі завяршаецца перэгрынацыя фігуры Маці Божай Фацімскай (+праграма)

    15 кастрычніка фігура Маці Божай Фацімскай вернецца ў мінскую архікатэдру — святыню, з якой год таму 16 кастрычніка распачыналася яе перэгрынацыя па парафіях архідыяцэзіі.