Аплаткавая сустрэча навучэнцаў і выкладчыкаў Мінскага тэалагічнага каледжа прайшла ў Чырвоным касцёле
16 снежня ў мінскай парафіі Свв. Сымона і Алены (Чырвоны касцёл) прайшла аплаткавая сустрэча студэнтаў і выкладчыкаў Мінскага тэалагічнага каледжа імя св. Яна Хрысціцеля, а таксама катэхетаў Мінска-Магілёўскай архідыяцэзіі.
На пачатак сустрэчы студэнты каледжа падрыхтавалі калядную сцэнку, паказаўшы біблійныя моманты, якія распавядаюць пра нараджэнне Езуса. Сярод прысутных у зале было і нямала выпускнікоў тэалагічнага каледжа.
Сустрэчы папярэднічала супольная святая Імша, якую ўзначаліў дапаможны біскуп Мінска-Магілёўскай архідыяцэзіі Юрый Касабуцкі.
Паводле catholic.by
Меткі: Божае Нараджэнне, Мінскі тэалагічны каледжа імя св. Яна Хрысціцеля