Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

У Мінску распачаў працу Цэнтр псіхалагічнай падтрымкі для бацькоў-усынавіцеляў

20 верасня ў Мінску афіцыйна распачаў працу першы некамерцыйны Цэнтр псіхалагічнай падтрымкі для бацькоў-усынавіцеляў «Родныя людзі».

Як паведаміла Сatholic.by каардынатар праекта Вольга Галаўнёва, усё распачыналася яшчэ восем гадоў таму, калі Вольга працавала ў Нацыянальным цэнтры ўсынаўлення, дзе праходзіць навучанне для бацькоў-усынавіцеляў. Разумеючы патрэбу суправаджэння такіх сямей, Вольга Галаўнёва пачала арганізоўваць адмысловыя сустрэчы для сем’яў з усыноўленымі дзецьмі.

Усынаўленне

З цягам часу ўзнікла ідэя арганізоўваць летнія фестывалі для сямей усынавіцеляў, якія ўключаюць не толькі супольнае правядзенне часу, адпачынак, спартыўныя і святочныя мерапрыемствы, але і адукацыйныя праграмы, трэнінгі, кансультацыі псіхолагаў, а таксама духоўнае кіраўніцтва.

Адзін з фестываляў ладзіўся на тэрыторыі праваслаўнага Свята-Елісееўскага Лаўрышэўскага мужскога манастыра ў Навагрудскім раёне.

Як падкрэсліла Вольга Галаўнёва, духоўнай складальнай фестывалю цікавяцца не толькі практыкуючыя праваслаўныя. Ёсць і тыя, хто ў штодзённасці не надае ўвагі пытанню веры, але ў кантэксце зносін з іншымі сем’ямі ўсынавіцелямі пачынае цікавіцца духоўнымі каштоўнасцямі, наведвае святыню.

Акрамя летніх фестываляў штомесяц праводзяцца сустрэчы для сем’яў, падчас якіх бацькі могуць атрымаць кваліфікаваную дапамогу, падзяліцца паміж сабой досведам і перажываннямі. Гэтыя сустрэчы, як дадала каардынатар праекта, карысныя і для дзяцей — яны бачаць, што не адны такія.

За гады працы з сем’ямі ўсынавіцелямі Вольга Галаўнёва ўбачыла, што дзякуючы кваліфікаваму суправаджэнню бацькі становяцца больш адкрытымі і перастаюць захоўваць таямніцу ўсынаўлення, што робіць іх больш свабоднымі і шчаслівымі, а таксама дае пазітыўны прыклад тым людзям, якія не рашаюцца на ўсынаўленне.

«Таксама ў сацыяльных сетках у нас ёсць закрытая супольная група, у якой звыш ста чалавек трываюць у пастаянных зносінах, – дадала каардынатар праекта. – Увогуле мы стабільна працуем прыкладна са 100 сем’ямі. Некаторыя прыходзяць разава».

На сёння цэнтр існуе толькі на ахвяраванні і спонсарскую дапамогу.

Кожны, каму цікавая тэма ўсынаўлення, можа звярнуцца да каардынарата праекта Вольгі Галаўнёвай, псіхолага, спецыяліста па сямейным уладкаванні:

+375 (29) 664-38-26
Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Паводле catholic.by

Меткі: хрысціянскі псіхолаг, Сям'я

  • Дабрачынная акцыя “Светлае Свята Вялікадня”

    Згодна з добрай традыцыяй, моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • Тыдзень беларускай мовы ў Чырвоным касцёле

    Бібліятэка імя Адама Міцкевіча запрашае на Тыдзень беларускай мовы і літаратуры, прысвечаны Міжнароднаму дню роднай мовы, яці пройдзе ў касцёле з 17 па 23 лютага.

  • Люты
    2020

    Тэатр Зніч

  • Адкрыццё фотавыставы

    Запрашаем на адкрыццё фотавыставы "Мир дикой природы" Клуба фатографаў дзікай прыроды Беларусі, які аб'ядноўвае каля 30 майстроў. Выстава адбудзецца 19 студзеня ў 12.00 ў Белай зале Чырвонага касцёла.

  • Студзень
    2020

    Тэатр Зніч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.