Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

  • Галоўная
  • Парафія
  • Навіны
  • Мітрапаліт Кандрусевіч падчас пастырскай сустрэчы ў Мінску: будзьце духоўна абыякавымі да матэрыяльных спраў

Канферэнцыя па кніжцы пробашча касцёла "Святы Шарбель, манах - цудатворац"

У бібліятэцы Чырвонага касцёла ў Мінску адбылася чытацкая канферэнцыя па кнізе, укладзенай кс. Уладыславам Завальнюком «Святой Шарбель. Монах и чудотворец».

кніга «Святой Шарбель. Монах и чудотворец».

Брашура, выдадзеная ў 2016 годзе, знаёміць з жыццём і малітоўным подзвігам ліванскага святога, яго цудатварэннямі. Бібліятэкар, спадарыня Галіна, захапляльна распавяла пра дзяцінства і юнацтва святога, якога называюць духоўным братам св. Серафіма Сароўскага, шануюць як каталікі, так і праваслаўныя вернікі ва многіх краінах.

Святы Шарбель Махнуф нарадзіўся 8 мая 1828 года ў хрысціянскай сям’і ў Бекаа-Кафра (паўночны Ліван) і пры хросце атрымаў імя Юсэф. У 23 гады ён уступіў у кляштар святога Марона ў Анаі, дзе атрымаў манаскае імя Шарбель, што перакладаецца з арабскай як “ шар” – “цар” і “ бель” – “ Бог”. Ён атрымаў святарскі сан 23 ліпеня 1859 года. У кляштары ён прысвяціў сябе малітве, працы і духоўным практыкам. У 1875 годзе айцец Шарбель распачаў пустэльніцкае жыццё, у якім знаходзіўся 23 гады. Памёр а. Шарбель у вігілію Божага нараджэння ў 1898 годзе. Пасля пахавання над яго магілаю з’явілася яркае свячэнне, якое трымалася напрацягу тыдня.

Цела святога праз гады засталося нятленным і выдзяляе ружовую сукравіцу. Зафіксаваныя тысячы выпадкаў цудоўных ацаленняў праз заступніцтва святога. 5 снежня 1965 года ён быў прылічаны да ліку блажэнных. Кананізацыя адбылася 9 кастрычніка 1977 года. У горад Аная прыязджаюць са ўсяго свету багасловы, іерархі Каталіцкай Царквы, лекары, паломнікі.

Сястра Валянціна пранікнёна распавяла пра выпадкі ацаленняў ля труны святога, якія адлюстраваны ў літаратуры. "Айцец Шарбель быў чалавекам вельмі сціплага жыцця, ён ведаў тайны чалавечых душ лепш, чым лекары. Ён вучыў ніводнай хвіліны жыцця не праводзіць марна, а трываць у фізічнай і духоўнай працы і навуцы".

канферэнцыя

Сястра Аліна прачытала вершы, прысвечаныя святому Шарбелю, і малітву да яго. Мэта кнігі, выдадзенай пры падтрымцы Касцёла, – пазнаёміць вернікаў з духоўнай спадчынай святах ва ўсім свеце, у дадзеным выпадку – з хрысціянскімі традыцыямі на Усходзе. Папярэднікам святога Шарбеля быў святы Марон, які жыў у 5 стагодзі ў Сірыі.

У старазапаветную эпоху Ліван славіўся магутнымі кедрамі і лясамі. Цар Саламон атрымліваў кедры для будаўніцтва храма. Кнігу ксяндза Уладзіслава завяршае легенда пра тысячагадовыя кедры, што ўзраслі на Ліванскай зямлі. Усе яны хацелі паслужыць вялікай мэце. Дрэва аднаго з іх стала калыскай Збавіцеля, гронка іншага – сталом для Тайнай вячэры, а з трэцяга кедра быў выраблены крыж, на якім Госпад аддаў сябе ў ахвяру за ўсіх людзей.

У бібліятэцы імя Адама Міцкевіча Мінскага Чырвонага касцёла можна знайсці шмат хрысціянскай і мастацкай літаратуры на розных мовах. Запрашаем усіх жадаючых.

Эла Дзвінская
Паводле krynica.info

 

Меткі: беларуская літаратура, Мерапрыемствы, кс. Уладыслаў Завальнюк, Бібліятэка, Парафія

  • экскурсия

  • Cемінар

    9-11 чэрвеня ў тэатральнай зале касцёла св. Сымона і св. Алены адбудзецца семінар "Ёсць два шляхі: шлях жыцця і шлях смерці". Пачатак 9 чэрвеня а 18:00. Праводзіць дабрачынны фонд "Адкрытыя сэрцы".

  • Кандак святога Рамана Сладкапеўцы пра дараваную грэшніцу

    7 чэрвеня ў касцёле св. Сымона і св. Алены адбудзецца спеў візантыйскага богаслужбовага дзейства VI ст. "Кандак святога Рамана Сладкапеўцы пра дараваную грэшніцу". Пачатак а 19:00.

  • Канікулы з Богам (5-14 чэрвеня 2017 г.)

    Запрашаем дзяцей і бацькоў з 5 па 14 чэрвеня ў Польшчу (Збічна) на Канікулы з Богам.

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч