Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Мітрапаліт Кандрусевіч ва ўрачыстасць Святой Сям’і: «Святая Сям'я — прыклад для сучасных сем’яў»

30 снежня ва ўрачыстасць Святой Сям’і ў мінскай парафіі Свв. Сымона і Алены (Чырвоны касцёл) прайшла аплаткавая сустрэча з сем’ямі і ўдзельнікамі сямейных рухаў Мінска-Магілёўскай архідыяцэзіі. Таксама падчас Імшы прысутныя сем'і аднавілі сужэнскія абяцанні.

Сужэнскія парыНа пачатку сустрэчы ў парафіі прайшла святая Імша, якую ўзначаліў Мітрапаліт Тадэвуш Кандрусевіч.

«Ушаноўваючы Святую Сям’ю адразу пасля ўрачыстасці Божага Нараджэння, Касцёл хоча звярнуць нашу ўвагу на значэнне сям’і — як у гісторыі збаўлення, так і ў гісторыі кожнага з нас», — адзначыў у сваёй гаміліі іерарх.

Паводле слоў арцыбіскупа, сям’я — галоўная адзінка грамадства і ад таго, якой яна будзе, залежыць развіццё грамадства.

Як адзначыў Мітрапаліт Кандрусевіч, нягледзячы на тое, што Святая Сям’я была асаблівай у гісторыі хрысціянства, яна таксама зведала цяжкасці, з якімі сутыкаюцца звычайныя сем’і.бп. Тадэвуш Кандрусевіч

«Святую Сям’ю трымала разам любоў да Бога і адно да аднаго, — падкрэсліў арцыбіскуп. — Гэта прыклад для сучасных сем’яў. Любоў павінна перамагчы, нават калі на некаторы час у сям’і здараюцца непаразуменні».

Іерарх дадаў, што калі ў сям’і з’яўляюцца праблемы, то гэта адбываецца з-за адсутнасці любові. І наадварот: калі сем'і шчаслівыя, у іх пануе дух любові і ўзаемапрабачэння.

Таксама арцыпастыр звярнуў увагу на адну з галоўных праблем сучаснай сям’і — недахоп часу для самых блізкіх.
«Прабываючы разам, мы паказваем, што любім. А калі так ёсць насамрэч, мы гатовы ўсім ахвяроўваць у імя шчасця сям’і. Падобна таму, як Святая Сям’я перамагла ўсе крызісы дзякуючы ўзаемнай любові і веры ў Бога, таксама павінны рабіць і мы», — заклікаў іерарх.

Тэкст гаміліі цалкам тут››

«Няхай нованароджаны Збаўца свету дапамагае перамагаць ўсе цяжкасці, а Святая Сям’я абараняе нашы сем’і, каб яны былі хатнімі Касцёламі, аазісамі любові, месцам нараджэння новага жыцця і выхавання маладога пакалення на хрысціянскіх прынцыпах», — заключыў арцыбіскуп Тадэвуш Кандрусевіч.Сем'і з святаром Аляксандрам

Паводле catholic.by

Меткі: Сям'я, Сужэнскія сустрэчы, бп. Тадэвуш Кандрусевіч, Сужэнства

  • Дабрачынная акцыя “Светлае Свята Вялікадня”

    Згодна з добрай традыцыяй, моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • Тыдзень беларускай мовы ў Чырвоным касцёле

    Бібліятэка імя Адама Міцкевіча запрашае на Тыдзень беларускай мовы і літаратуры, прысвечаны Міжнароднаму дню роднай мовы, яці пройдзе ў касцёле з 17 па 23 лютага.

  • Люты
    2020

    Тэатр Зніч

  • Адкрыццё фотавыставы

    Запрашаем на адкрыццё фотавыставы "Мир дикой природы" Клуба фатографаў дзікай прыроды Беларусі, які аб'ядноўвае каля 30 майстроў. Выстава адбудзецца 19 студзеня ў 12.00 ў Белай зале Чырвонага касцёла.

  • Студзень
    2020

    Тэатр Зніч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.