Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

За праўду трэба змагацца. У Мінску прайшла пастырская сустрэча духавенства

24 кастрычніка ў сталічным касцёле святога Сымона і святой Алены прайшла пастырская сустрэча святароў і кансэкраваных асобаў, якія нясуць служэнне ў Мінску і Мінскай вобласці.

пастырская сустрэча

Распачаўшыся супольнай малітвай літургіі гадзінаў, сустрэча працягнулася духоўным настаўленнем, падрыхтаваным і прамоўленым ксяндзом прэлатам Андрэем Стэцкевічам. У ім святар асаблівым чынам падкрэсліў, наколькі асабісты духоўны і маральны аўтарытэт святароў важны ў душпастырстве.

Калі нават недасканалы і слабы чалавек, пакліканы да святарскага служэння, патрэбны і неабходны для яднання з Богам сваіх братоў і сясцёр, наколькі больш эфектыўна зможа ён весці іх да Бога, калі будзе прасякнуты духам святасці і малітвы.

Цэнтральнаю часткаю пастырскай сустрэчы стала святая Імша, цэлебрацыю якой узначаліў Мітрапаліт Мінска-Магілёўскі арцыбіскуп Тадэвуш Кандрусевіч.

пастырская сустрэча

У прамоўленым Божым слове іерарх, грунтуючыся на літургічных чытаннях дня, нагадаў сваім братам у біскупстве і святарстве, што быццё хрысціянінам — гэта заўсёды барацьба.

«Шлях хрысціянскай веры – гэта шлях змагання за Божую праўду і адказ на выклікі часу. Мы не можам пазбегчы гэтага», – сцвердзіў арцыпастыр.

«У першым чытанні з Паслання да Рымлянаў святы апостал Павел нагадвае пра тое, што Бог і грэх знаходзяцца на супрацьлеглых пазіцыях. Гэта як быццам два полюсы», – сказаў іерарх.

пастырская сустрэча

Разважаючы над Евангеллем, у якім Езус гаворыць пра падзелы, арцыбіскуп Кандрусевіч адзначыў:

«Збаўца кажа, што прынёс у гэты свет не спакой, а падзелы і выклікі для сваіх паслядоўнікаў, якія патрабуюць ад іх пэўнага радыкалізму. Гэтыя словы Хрыста з’яўляюцца актуальнымі і ў наш час.

Нярэдка вернасць Хрысту з’яўляецца прычынай не толькі непаразуменняў, але і вялікіх канфліктаў нават сярод членаў адной сям’і ці сяброў.

У наш час мы назіраем новую хвалю секулярызму, а часам нават нянавісці да веры. Шмат людзей сваё шчасце бачаць у імкненні да багацця, славы і прыемнасцяў. Пры гэтым яны забываюцца пра Бога, а Яго збаўчае вучэнне спіхваецца на перыферыю чалавечага жыцця.

пастырская сустрэча

Мы як святары і кансэкраваныя асобы, а таксама ўсе вернікі, не можам быць абыякавымі да пытанняў веры і яе практыкі ў жыцці нашага грамадства.

Найперш мы павінны абвяшчаць Божую праўду ў час і не ў час, як вучыць святы апостал Павел. Мы таксама павіны быць годнымі даверу сведкамі таго, чаму вучым і што абвяшчаем», – падкрэсліў пастыр Мінска-Магілёўскага Касцёла.

На заканчэнне гаміліі іерарх падвёў выснову:

«Праўда каштуе і за яе неабходна змагацца.

Яна не ўсім падабаецца, камусьці яна „коле вочы“. Стаўленне да праўды становіцца прычынай падзелаў, бо яе бывае складана прыняць. Людзям цяжка прызнаваць свае памылкі: прасцей знайсці вінаватага. <…> Пошук вінаватага вядзе да падзелаў паміж людзьмі.

пастырская сустрэча

Таму неабходна вучыць людзей таму, што калі зграшыць – гэта па-чалавечы, то не прызнацца ў граху і жыць у ім – гэта ўжо д’ябальская справа.

Калі прызнаем праўду, то не будзе падзелаў, бо праўда нас вызваліць», 

– перафразуючы словы Збаўцы, заключыў арцыбіскуп Тадэвуш Кандрусевіч.

Сустрэча духавенства і кансэкраваных асобаў Міншчыны завяршылася арганізацыйнаю часткаю, падчас якой былі абмеркаваны бягучыя справы ў жыцці мясцовага Касцёла.

Арцыбіскуп Тадэвуш Кандрусевіч перадусім нагадаў пра неабходнасць адпаведным чынам падрыхтавацца да ўрачыстасці Усіх Святых і актавы малітвы за памерлых.

пастырская сустрэча

На заканчэнне сустрэчы Генеральны вікарый Мінска-Магілёўскай архідыяцэзіі біскуп Юрый Касабуцкі ад імя арцыбіскупа Кандрусевіча запрасіў усіх прысутных узяць удзел у святкаванні 30-годдзя яго біскупскага пасвячэння, якое пройдзе ў дзень імянінаў іерарха ў мінскай катэдры роўна праз 30 гадоў пасля таго, як новапрызначаны біскуп цэлебраваў сваю першую святую Імшу ў гэтай якасці на Беларусі.

Тэкст: Мікола Гракаў
Фота: Віктар Ведзень, Кс. Аляксандр Улас
Паводле Catholic.by

-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-
-10-24-chk-

Меткі: святары і законнікі, Мерапрыемствы, бп. Тадэвуш Кандрусевіч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.
  • Запрашаем на ранішнік

    24 лістапада 2019 года а 10-й гадзіне ў бібліятэцы імя Адама Міцкевіча для дзяцей катэхетычнай школы адбудзецца Ранішнік «Так хацеў Бог».

  • Кастрычнік
    2019

    Тэатр Зніч

  • Верасень
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.