Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Прэзідэнт Кубы ў першы дзень візіту ў Беларусь наведаў касцёл і сустрэўся з арцыбіскупам Кандрусевічам

22 кастрычніка мінскі Чырвоны касцёл наведаў прэзідэнт Рэспублікі Куба Мігель Дыяс-Канель, які прыехаў у Беларусь з афіцыйным візітам і ў першы ж дзень выявіў жаданне наведаць каталіцкую святыню.

Прэзідэнт Кубы з візітам

Прэзідэнта разам з жонкай і афіцыйнай дэлегацыяй прывітаў ля ўваходу ў касцёл арцыбіскуп Тадэвуш Кандрусевіч, Мітрапаліт Мінска-Магілёўскі і Старшыня Канферэнцыі Каталіцкіх Біскупаў у Беларусі. Гасцей з Кубы ўрачыста сустракаў і пробашч парафіі святога Сымона і святой Алены ксёндз канонік Уладзіслаў Завальнюк, іншыя святары, што працуюць у парафіі, і хлопцы з дзяўчатамі ў шляхецкіх і беларускіх народных строях.

Прэзідэнт Кубы з візітам

Пасля прывітання прэзідэнта правялі да месца пахавання беларускага каталіцкага мецэната і грамадскага дзеяча Эдварда Вайніловіча, фундатара касцёла св. Сымона і св. Алены, які сёння з’яўляецца адной з найбольш пазнавальных архітэктурных дамінантаў сталіцы.

Гасцям расказалі пра вялікае значэнне гэтага чалавека для католікаў горада Мінска, а таксама пра тое, што Эдвард Вайніловіч можа стаць першым свецкім святым у Касцёле на Беларусі.

Арцыбіскуп Кандрусевіч запрасіў кубінскага прэзідэнта прайсці да галоўнага алтара касцёла.

Прэзідэнт Кубы з візітам

Мігель Дыяс-Канель разам з жонкаю пакінулі запіс у кнізе наведвальнікаў Чырвонага касцёла, а таксама паставілі запаленую свечку каля вялікай фігуры Маці Божай, якая знаходзіцца пры алтары.

Вось што напісаў Мігель Дыяс-Канель у кнізе ганаровых гасцей святыні:

«Для мяне вялікі гонар мець магчымасць наведаць такі прыгожы горад, як Мінск, быць на гэтай плошчы і ў гэтым касцёле, які захоўвае ў сабе багатую гісторыю і культуру. Вялікі дзякуй за тое, што нас прынялі, за вашую дабрыню».

«За 30 гадоў майго біскупскага служэння, у тым ліку ў Расіі, толькі некалькі разоў прэзідэнты наведвалі касцёл падчас афіцыйнага візіту ў краіну, — пракаментаваў сустрэчу ўжо пасля развітання з дэлегацыяй арцыбіскуп Тадэвуш Кандрусевіч. – Таму прыезд прэзідэнта Кубы ў Чырвоны касцёл – рэдкая падзея, якая ўвойдзе ў гісторыю Касцёла ў Беларусі. Сітуацыя Касцёла на Кубе шмат гадоў заставалася вельмі складанаю. Сёння мы ўспамінаем святога Яна Паўла ІІ, а менавіта ён калісьці прыляцеў на Кубу і сустрэўся з Фідэлем Кастра, пасля чаго пачаліся добрыя змены для мясцовага Касцёла. Потым ужо і Бэнэдыкт XVI наведваў Кубу, і, як памятаем, сустрэча папы Францішка і патрыярха Кірыла адбылася менавіта на Кубе».

Прэзідэнт Кубы з візітам

Кіраўнік беларускага каталіцкага епіскапату таксама адзначыў, што візіт прэзідэнта Кубы ў Чырвоны касцёл – гэта не проста прыемная сустрэча.

Гэты жэст, на думку іерарха, азначае, што, наведваючы нашую краіну, прэзідэнт хацеў пазнаёміцца з католікамі Беларусі, выказаць сваю павагу людзям.

Арцыбіскуп заўважыў, што прэзідэнт перад уваходам у касцёл пацікавіўся, ці не адбываецца цяпер там якое-небудзь набажэнства, каб не перашкодзіць вернікам.

Тэкст: Вольга Качалка
Фота: Віталій Палінеўскі
Паводле Catholic.by

 

-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-
-10-22-cuba-

Меткі: Госці, Мерапрыемствы, Парафія, бп. Тадэвуш Кандрусевіч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.
  • Запрашаем на ранішнік

    24 лістапада 2019 года а 10-й гадзіне ў бібліятэцы імя Адама Міцкевіча для дзяцей катэхетычнай школы адбудзецца Ранішнік «Так хацеў Бог».

  • Кастрычнік
    2019

    Тэатр Зніч

  • Верасень
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.