Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Новапрэзбітэр Канстанцін Цыбульскі MSF: радасць дару святарства і боль страты матулі

У суботу 18 мая Канстанцін Цыбульскі, які належыць да супольнасці Ксяндзоў місіянераў Святой Сям’і, прыняў прэзбітэрскае пасвячэнне, а ў нядзелю адышла ў вечнасць яго маці Рэгіна.

Пасвячэнне ў новапрэзбітэры

Новапрэзбітэр Канстанцін Цыбульскі паходзіць з Мінска, са сталічнай парафіі св. Сымона і св. Алены (Чырвоны касцёл). 18 мая з рук біскупа Улацлаўскага Веслава Мэрынга ён прыняў прэзбітэрскае пасвячэнне. Разам з ім сакрамэнт пасвячэння ў ступені дыяканату і прэзбітэрату прынялі двое яго сабратоў з супольнасці Ксяндзоў місіянераў Святой Сям’і.

Як адзначыў у гаміліі падчас удзялення пасвячэнняў біскуп Мэрынг, яны сталі на шлях святарскага служэння ў нялёгкі час, таму заклікаў усіх прысутных маліцца за новапрэзбітэраў і новапасвячанага дыякана.

Першае цяжкае выпрабаванне напаткала кс. Канстанціна ўжо на наступны дзень: у нядзелю адышла ў вечнасць яго маці Рэгіна. Развітанне са спачылай адбудзецца ў пятніцу 24 мая а 12-й гадзіне. Цэлебрацыю пахавальнай св. Імшы і жалобных абрадаў у мінскім касцёле св. Сымона і св. Алены ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі.

Пасвячэнне ў новапрэзбітэры

Пасвячэнне ў новапрэзбітэры

На наступны дзень, у суботу 25 мая, кс. Канстанцін Цыбульскі MSF будзе цэлебраваць сваю першую св. Імшу – прыміцыю – у сваёй роднай святыні.

Пачатак прыміцыйнай св. Імшы а 12-й гадзіне ў касцёле св. Сымона і Алены ў Мінску (Чырвоны касцёл).

Запрашаем усіх атуліць малітвай новапрэзбітэра кс. Канстанціна Цыбульскага MSF і яго спачылую матулю.

Фота: Misjonarze Świętej Rodziny Prowincja Polska
Паводле catholic.by

Меткі: пакліканне, святары і законнікі, Пахаванне, Парафія, Пасвячэнне

  • Дабрачынная акцыя “Светлае Свята Вялікадня”

    Згодна з добрай традыцыяй, моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • Тыдзень беларускай мовы ў Чырвоным касцёле

    Бібліятэка імя Адама Міцкевіча запрашае на Тыдзень беларускай мовы і літаратуры, прысвечаны Міжнароднаму дню роднай мовы, яці пройдзе ў касцёле з 17 па 23 лютага.

  • Люты
    2020

    Тэатр Зніч

  • Адкрыццё фотавыставы

    Запрашаем на адкрыццё фотавыставы "Мир дикой природы" Клуба фатографаў дзікай прыроды Беларусі, які аб'ядноўвае каля 30 майстроў. Выстава адбудзецца 19 студзеня ў 12.00 ў Белай зале Чырвонага касцёла.

  • Студзень
    2020

    Тэатр Зніч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.