Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Літоўская дыяспара Мінска ўшанавала св. Казіміра

5 сакавіка ў касцёле св. Сымона і св. Алены літоўская дыяспара Мінска ўшанавала св. Казіміра – галоўнага апекуна Літвы. З гэтай нагоды св. Імшу на літоўскай мове ўзначаліў арцыбіскуп Тадэвуш Кандрусевіч, Мітрапаліт Мінска-Магілёўскі.

Імшу канцэлебравалі апякун літоўскай супольнасці ў Мінску кс. Міхал Бубен, пробашч парафіі святых Пятра і Паўла ў Іўі кс. Ян Гавецкі, які апякуецца літоўцамі ў Лідзе, і кс. прэлат Андрэй Стэцкевіч.

Эўхарыстыя

У гаміліі арцыбіскуп засяродзіў увагу на асобе св. Казіміра, яго пабожнасці і мудрасці. Нягледзячы на тое, што гэты святы жыў стагоддзі таму, ён і сёння можа быць добрым прыкладам жыцця для сучасных маладых людзей, адзначыў іерарх.

Гаворачы пра важнасць асобы св. Казіміра, арцыбіскуп узгадаў падзею, якая адбылася ў Вільні 30 гадоў таму – перанясенне рэліквій святога з касцёла святых апосталаў Пятра і Паўла ў віленскую катэдру.

У той час кс. Тадэвуш Кандрусевіч быў віленскім святаром, а кс. Ян Гавецкі – семінарыстам. Яны абодва прымалі ўдзел у шматтысячнай працэсіі вернікаў, якія выйшлі на вуліцы горада, каб быць на гэтай падзеі.

літоўская дыяспара

Пасля Імшы адбылася святочная сустрэча, на якой былі літоўскія стравы і песні, што пад акампанемент гітары і акардэона прадставілі вернікі з літоўскай дыяспары.

Імша на літоўскай мове рэгулярна адбываецца ў Мінску ўжо на працягу больш чым шасці гадоў.

Распачаў гэтую традыцыю арцыбіскуп Тадэвуш Кандрусевіч. Першым святаром, які апекаваўся супольнасцю, быў кс. Чэслаў Адамовіч, а з 2013 г. яго змяніў кс. Міхал Бубен. Імша адбываецца кожную трэцюю нядзелю месяца ў парафіі Найсвяцейшай Тройцы (св. Роха) на Залатой Горцы ў Мінску ў 15.00.

Тэкст: Кс. Міхал Бубен
Фота: Віктар Ведзень
Паводле catholic.by

-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC
-03-06-20190305-DSC

Меткі: Свята, бп. Тадэвуш Кандрусевіч, Эўхарыстыя

  • Дабрачынная акцыя “Светлае Свята Вялікадня”

    Згодна з добрай традыцыяй, моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • Тыдзень беларускай мовы ў Чырвоным касцёле

    Бібліятэка імя Адама Міцкевіча запрашае на Тыдзень беларускай мовы і літаратуры, прысвечаны Міжнароднаму дню роднай мовы, яці пройдзе ў касцёле з 17 па 23 лютага.

  • Люты
    2020

    Тэатр Зніч

  • Адкрыццё фотавыставы

    Запрашаем на адкрыццё фотавыставы "Мир дикой природы" Клуба фатографаў дзікай прыроды Беларусі, які аб'ядноўвае каля 30 майстроў. Выстава адбудзецца 19 студзеня ў 12.00 ў Белай зале Чырвонага касцёла.

  • Студзень
    2020

    Тэатр Зніч

  • Адкрыццё фотавыставы
    Запрашаем на адкрыццё фотавыставы Ірэны Гудзіеўскай "Сімвалы Беларусі", якое адбудзецца 15 снежня а 12 гадзіне ў Белай зале.