Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Учынак міласэрнасці альбо як дапамагчы блізкаму чалавеку

Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

Неабходныя матэрыялы маюцца. Адзінае, што патрэбна, гэта ваша жаданне і добры настрой. З лёгкасцю можам гарантаваць атрыманне асалоды ад творчага працэсу і задавальнення ад вынікаў працы.

Дарэчы, ужо ў гэтую нядзелю можна было палюбавацца паштоўкамі і за ахвараванне набыць іх пасля святой Імшы каля цэнтральнага ўваходу ў касцёл. Сродкі ад іх рэалізацыі пойдуць на падтрымку прытулка для дзяцей.

Паштоўка на свята Вялікадня

– Як дапамагчы?
– Стварыць паштоўку
– Калі?
– Кожны будні дзень пасля св. Імшы а 19-й гадзіне.

Вікторыя Смарыга

Меткі: дабрачынная акцыя, Вялікі пост, Моладзь, Моладзевыя спатканні