Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Душпастыры мінскіх парафій сустрэліся на дзяленні аплаткай

29 снежня 2015 г. святары, якія нясуць служэнне ў Мінску, сустрэліся, каб падзяліцца аплаткай і павіншаваць адзін аднаго з Божым Нараджэннем.

Сустрэча пачалася святой Імшой, якую цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч. Таксама на сустрэчы быў прысутны дапаможны біскуп Мінска-Магілёўскай архідыяцэзіі Юрый Касабуцкі.

Сёлетняя і ўжо традыцыйная калядная сустрэча святароў Мінска супала з успамінам святога Томаса Бэкета, англійскага біскупа, які, баронячы Касцёл ад умяшання ўлады, быў забіты людзьмі караля каля алтара падчас малітвы 29 снежня 1170 года.

Падрабязней

Ксёндз Уладыслаў Завальнюк: «Веру, што на Чырвоным касцёле будзе свая пасека з пчоламі»

Пробашч сталічнай парафіі Св. Сымона і Св. Алены кс. Уладыслаў Завальнюк у інтэрв’ю БЕЛТА распавёў пра планы ўладкаваць на даху Чырвонага касцёла ў Мінску пчаліную пасеку. Святар таксама патлумачыў, чаму не варта асцерагацца есці «гарадскі» мёд.

Падрабязней

Каляднай аплаткай і віншаваннямі падзяліўся біскуп Юрый Касабуцкі з навукоўцамі, настаўнікамі і выхавацелямі

Звярнуць увагу на любоў, якая жыве ў сям’і, прапанаваў дапаможны біскуп Мінска-Магілёўскай архідыяцэзіі Юрый Касабуцкі, які ўзначаліў вечаровую Імшу ў касцёле Св. Сымона і Св. Алены ў дзень, калі Касцёл адзначае свята Святой Сям’і і ўзгадвае ўлюбёнага вучня Езуса – евангеліста Яна. Пасля Эўхарыстыі біскуп падзяліўся аплаткай з навукоўцамі, настаўнікамі і выхавацелямі.

Любоў, якую абяцаюць сужэнцы падчас вянчання перад алтаром, азначае самавырачэнне для іншага чалавека, заўважыў біскуп у гаміліі.

Падрабязней

«Мы просім, каб і нашыя сем'і жылі па прыкладу Святой Сям'і»: аплаткавая сустрэча сямейных рухаў прайшла ў Мінску

27 снежня касцёл Св. Сымона і Св. Алены ў Мінску поўніўся дзіцячымі галасамі. На аплаткавую сустрэчу з дапаможным біскупам Мінска-Магілёўскай архідыяцэзіі Юрыем Касабуцкім прыйшлі цэлыя сем’і.

Удзельнікі розных сямейных рухаў у гэты дзень мелі магчымасць не толькі падзяліцца аплаткай, але і прэзентаваць сябе, распавёўшы пра сваю дзейнасць у Касцёле.  

«Сёння мы ўшаноўваем Святую Сям’ю, але таксама просім, каб і нашыя сем’і жылі па яе прыкладзе, каб у іх быў заўсёды Бог, бо, калі мы стараемся жыць з Богам, то адкрываем сэрца на Яго ласку і Ён дапамагае нам перажываць розныя цяжкасці», — заўважыў біскуп Юрый Касабуцкі падчас святой Імшы, якой пачалася сустрэча.

Падрабязней

Аплаткавая сустрэча розных касцёльных рухаў адбылася ў Мінску

20 снежня ў касцёле свв. Сымона і Алены ў Мінску адбылася аплаткавая сустрэча ўдзельнікаў розных рэлігійных рухаў з дапаможным біскупам Мінска-Магілёўскай архідыяцэзіі Юрыем Касабуцкім.

У гаміліі падчас святой Імшы біскуп Юрый Касабуцкі падкрэсліў важнасць дапамогі іншаму чалавеку і міласэрнасці ў адносінах да бліжніх.

«Можа, сапраўды мы ўзгадаем кагосьці, хто патрабуе нашай увагі, неабыякавасці, нашага візіту або тэлефоннага званка. І гэтая нашая неабыякавасць, магчыма, будзе сапраўдным элементам падрыхтоўкі да святаў Божага Нараджэння», – зазначыў іерарх.

Падрабязней

Калядная акцыя «Caritas» — больш, чым проста хэндмэйд

20 снежня тэрыторыя мінскага Чырвонага касцёла ўяўляла сабой сапраўдны пляц «Caritas». У Чацвёртую нядзелю Адвэнту прадстаўнікі дыяцэзіяльных аддзяленняў «Caritas» прыехалі ў Мінск, каб прадставіць вырабы, якія яны змайстравалі разам з людзьмі з абмежаванымі магчымасцямі.

Гэтыя вырабы можна было набыць у падарунак родным і знаёмым на калядныя святы, а таксама дзеля таго, каб упрыгожыць вігілійны стол.

Падрабязней

Аплаткавая сустрэча літоўскай дыяспары прайшла ў Мінску

20 снежня, у IV Нядзелю Адвэнту, у касцёле Найсвяцейшай Тройцы (св. Роха) адбылася аплаткавая сустрэча літоўскай дыяспары Мінска. Сустрэча пачалася святой Імшой на літоўскай мове, якую цэлебраваў кс. Міхал Бубен.

У гаміліі, каментуючы фрагмент нядзельнага Евангелля, святар звярнуў  увагу на прыклад Найсвяцейшай Панны Марыі і заахвоціў прысутных, нягледзячы на цяжкасці, якія сустракаюцца ў нашым жыцці, несці людзям Езуса Хрыста, як Марыя. 

Пасля Эўхарыстыі адбылося традыцыйнае дзяленне аплаткай і віншаванні з нагоды надыходзячага Божага Нараджэння. На пачатку святар благаславіў аплаткі і свечкі, каб кожны жадаючы мог узяць іх на вігілійны стол. Пасля малітвы прысутныя ўзгадалі тых з супольнасці, хто ўжо ад’ехаў на святы ў Літву. Асаблівым чынам узгадалі спадара Альвідаса Вайткунаса – консула, які летам 2015 г. скончыў сваю дыпламатычную місію ў Беларусі.

Падрабязней

  • Па прыкладзе Марыі
    Моладзь Чырвонага касцёла запрашае на адарацыю Найсвяцейшага Сакрамэнту 23 мая пасля Св. Імшы а 19 гадзіне.
  • Май
    2019

    Тэатр Зніч

  • Красавік
    2019

    Тэатр Зніч

  • Моладзь запрашае!

    Па добрай традыцыі моладзь Чырвонага касцёла зноў запрашае вернікаў далучыцца да дабрачыннай акцыі “Светлае Свята Вялікадня”.

  • Вечарына ў бібліятэцы Імя Адама Міцкевіча

    31 сакавіка а 16-й гадзіне ў бібліятэцы імя Адама Міцкевіча адбудзецца вечарына з нагоды ўключэння ўрачыстасці, прысвечанай ушанаванню абраза Маці Божай Будслаўскай (Будслаўскі фэст) у Спіс сусветнай спадчыны ЮНЕСКА.

  • 17 сакавіка ў 12.30 адбудзецца адкрыццё мастацкай выстаўкі "На Беларусі Бог жыве!"