Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:         

Мітрапаліт Кандрусевіч благаславіў адноўлены курган памяці слугі Божага Эдварда Вайніловіча ў Капыльскім раёне

12 лістапада арцыбіскуп Тадэвуш Кандрусевіч наведаў парафію Свв. Апосталаў Пятра і Паўла ў Капылі. Нагодай да наведвання парафіі стала благаслаўленне адноўленага кургана памяці слугі Божага Эдварда Вайніловіча каля в. Савічы Капыльскага раёна, дзе быў пахаваны яго род.

Мітрапаліт Кандрусевіч на сустрэчы душпастыраў: людзі хочуць бачыць у нас правадыроў у складаных духоўных лабірынтах

10 лістапада ў Мінску прайшла душпастырская сустрэча святароў і законнікаў, якія нясуць служэнне ў Мінскай вобласці. Падчас літургіі, якую ўзначаліў Мітрапаліт Тадэвуш Кандрусевіч, прысутныя маліліся за памерлых святароў і кансэкраваных асобаў Мінска-Магілёўскай архідыяцэзіі.

Мітрапаліт Кандрусевіч падчас пастырскай сустрэчы ў Мінску: будзьце духоўна абыякавымі да матэрыяльных спраў

28 лютага ў касцёле свв. Сымона і Алены прайшла пастырская сустрэча для святароў і кансэкраваных асобаў Мінска-Магілёўскай архідыяцэзіі. Узначаліў сустрэчу Мітрапаліт Тадэвуш Кандрусевіч. У сустрэчы прынялі ўдзел таксама дапаможныя біскупы архідыяцэзіі Юрый Касабуцкі і Аляксандр Яшэўскі SDB.

Мітрапаліт Кандрусевіч: давер Богу — проціатрута ад страху

26 лютага Мітрапаліт Тадэвуш Кандрусевіч наведаў парафію Свв. Сымона і Алены ў Мінску (Чырвоны касцёл), дзе ўзначаліў святую Імшу. Напярэдадні Вялікага посту, які сёлета распачынаецца 1 сакавіка, арцыпастыр заклікаў звярнуць увагу на грэх занядбання даверу Богу.

Не пагарджаць нікім заклікаў святароў і кансэкраваных асобаў арцыбіскуп Кандрусевіч на пастырскай сустрэчы ў Мінску

20 лютага ў касцёле святога Сымона і святой Алены ў Мінску прайшла пастырская сустрэча духавенства і кансэкраваных асобаў, якія нясуць служэнне ў парафіях Мінскай вобласці.

Незвычайнае набажэнства ў надзвычайнай сітуацыі. У Мінску хрысціяне, мусульмане і юдэі разам маліліся аб выбаўленні ад каранавірусу.

Увечары 21 сакавіка ў мінскім касцёле святога Сымона і святой Алены з удзелам прадстаўнікоў розных хрысціянскіх веравызнанняў, а таксама мусульманаў і юдэяў прайшла Міжрэлігійная малітва аб выбаўленні ад пандэміі каранавірусу.

Перад набажэнствам у Чырвоным касцёле адбылася святая Імша, цэлебрацыю якой узначаліў Генеральны вікарый Мінска-Магілёўскай архідыяцэзіі біскуп Юрый Касабуцкі.

Паведамленне курыі Мінска-Магілёўскай архідыяцэзіі аб заснаванні катэдральнага капітула

14 студзеня 2017 года Кангрэгацыя па справах Духавенства, адказваючы на просьбу Арцыбіскупа Тадэвуша Кандрусевіча Мітрапаліта Мінска-Магілёўскага, разгледзеўшы ўсе прадстаўленыя дакументы, заснавала катэдральны капітул у Мінску ў гонар cвятога Арханёла Міхала і Маці Божай Будслаўскай.

Пастырскае пасланне арцыбіскупа Тадэвуша Кандрусевіча на Божае Нараджэнне 2017

«Падобна Мудрацам з Усходу, якія прыйшлі пакланіцца нованароджанаму Збаўцу і потым вярнуліся дадому іншай дарогай, таксама і мы, якія прыйшлі пакланіцца Езусу, што знаходзіцца ў яслях, павінны вярнуцца да нашых дамоў, месцаў працы, вучобы і адпачынку дарогай, поўнай Божай ласкі і любові», – адзначае арцыбіскуп.

Пастырскае пасланне арцыбіскупа Тадэвуша Кандрусевіча на Вялікдзень 2018

«Неабходна, каб, ідучы за ўваскрослым Хрыстом, мы сваім сапраўдным хрысціянскім сведчаннем заўсёды выказвалі нашу радасць і веру ва ўваскрасенне, якое вядзе ў шчаслівую будучыню», — адзначае арцыбіскуп.

Пастырскае пасланне арцыбіскупа Тадэвуша Кандрусевіча на Вялікдзень 2019 г.

УВАСКРОСЛЫ ХРЫСТУС — НАША НАДЗЕЯ

Пастырскае Пасланне на Вялікдзень 2019

«Весяліся і зямля, апрамененая ўзнёслым бляскам, бо асвяціў цябе промень спрадвечнага Валадара.
Цэлы свет няхай адчуе, што вызваліўся ад цемры».
(З пасхальнага гімну Exsultet)

Пастырскае пасланне арцыбіскупа Тадэвуша Кандрусевіча на Вялікі пост 2018

«Няхай заклік Езуса да пакаяння, навяртання і веры ў Евангелле (пар. Мк 1, 15) стане праграмай нашага штодзённага жыцця, асабліва ў Вялікі пост, каб дзень Пасхі — 1 красавіка — мы святкавалі не толькі як дзень успаміну перамогі Хрыста над смерцю і грахом, але і як свята нашай асабістай перамогі над злом», — піша Мітрапаліт.

Пастырскае пасланне арцыбіскупа Тадэвуша Кандрусевіча на Вялікі пост 2019 г.

ПРАЗ ПУСТЫНЮ ДА ДУХОЎНАГА АДРАДЖЭННЯ

Глыбокапаважаныя святары, кансэкраваныя асобы, браты і сёстры!

1. Па Божай волі ў Папяльцовую сераду абрадам пасыпання галоваў попелам мы распачалі Вялікі пост — час ласкі і навяртання. Гэты абрад вельмі сімвалічны, бо нагадвае пра нетрываласць нашага чалавечага існавання і скіроўвае наш позірк да вечнасці. Таму час Вялікага посту павінен стаць часам нашага духоўнага ўваскрашэння.

Пастырскае пасланне Мітрапаліта Тадэвуша Кандрусевіча на Вялікі пост 2017

Глыбокапаважаныя святары, кансэкраваныя асобы, браты і сёстры!

1. Юбілей 100-годдзя фацімскіх аб’яўленняў, які сёлета Каталіцкі Касцёл у Беларусі адзначае разам з паўсюдным Касцёлам, заклікае нас да навяртання. Нагадвае аб гэтым і дэвіз пастырскага года: «Фацімскія аб’яўленні — шлях да навяртання».

Пастырская сустрэча духавенства Мінска і вобласці прайшла ў сталіцы: «Будзем спрыяць таму, каб людзі пазнавалі Бога»

19 красавіка ў мінскім касцёле св. Сымона і св. Алены адбылася пастырская сустрэча святароў і кансэкраваных асобаў Мінска-Магілёўскай архідыяцэзіі, якія служаць у Мінску і Мінскай вобласці. Лейтматывам сустрэчы стала ўсеагульнае пакліканне да святасці, чаму прысвечана апошняя апостальская адгартацыя папы Францішка Gaudete et exsultate.

Пастырская сустрэча ў Мінску: «Не пагарджаць нікім, як Езус» 

24 студзеня, ва ўспамін св. Францішка Сальскага, у сталічным касцёле св. Сымона і св. Алены (Чырвоны касцёл) адбылася пастырская сустрэча духавенства і кансэкраваных асобаў Міншчыны.

Прэзідэнт Кубы ў першы дзень візіту ў Беларусь наведаў касцёл і сустрэўся з арцыбіскупам Кандрусевічам

22 кастрычніка мінскі Чырвоны касцёл наведаў прэзідэнт Рэспублікі Куба Мігель Дыяс-Канель, які прыехаў у Беларусь з афіцыйным візітам і ў першы ж дзень выявіў жаданне наведаць каталіцкую святыню.