Каляндар важнейшых рухомых святаў
Год Панскі	Папялец	Вялікдзень	Унебаўшэсце	Спасланне Духа Святога	Цела і Крыві Пана	Першая нядзеля Адвэнту
2016	10 лют.	27 сакав.	5 мая	15 мая	26 мая	27 ліст.
2017	1 сакав.	16 красав.	25 мая	4 чэрв.	15 чэрв.	3 снеж.
2018	14 лют.	1 красав.	10 мая	20 мая	31 мая	2 снеж.
2019	6 сакав.	21 красав.	30 мая	9 чэрв.	20 чэрв.	1 снеж.
2020	26 лют.	12 красав.	21 мая	31 мая	11 чэрв.	29 ліст.
2021	17 лют.	4 красав.	13 мая	23 мая	3 чэрв.	28 ліст.
2022	2 сакав.	17 красав.	26 мая	5 чэрв.	16 чэрв.	27 ліст.
2023	22 лют.	9 красав.	18 мая	28 мая	8 чэрв.	3 снеж.

Парафіяльныя аб'явы

21 жніўня (панядзелак) — успамін св. Пія Х, папы.
22 жніўня (аўторак) — успамін Найсвяцейшай Панны Марыі Каралевы.
24 жніўня (чацвер) — свята св. Барталамея, апостала.
26 жніўня (субота) — успамін Найсвяцейшай Панны Марыі Чэнстахоўскай.
27 жніўня (нядзеля) — успамін св. Монікі.
3 верасня адбудзецца благаслаўленне дзяцей і студэнтаў на пачатак навучальнага года.
У нашым касцёле праводзіцца акцыя "Дапаможам шматдзетным сем'ям сабраць дзяцей у школу". У сакрыстыю Чырвонага касцёла можна прыносіць школьныя прылады, сшыткі і г.д.
У сакрыстыі нашага касцёла праводзіцца запіс дзяцей і моладзі на падрыхтоўку да Першай святой Камуніі і ў Нядзельную школу.
Запрашаем таксама дарослых на заняткі па падрыхтоўцы да споведзі, св. Камуніі, шлюбу.
Сёстры Кармэліткі Дзіцятка Езус запрашаюць дзяўчат ад 14 гадоў прыняць удзел у рэкалекцыях пад дэвізам “Маліцца, каб жыць“. Рэкалекцыі пройдуць 25-28 жніўня пры парафіі Унебаўзяцця Найсвяцейшай Марыі Панны ў Адамавічах (Гродзенская вобласць). Запісацца можна па тэлефонах: +373 29 884-39-67 (с. Ідалія), +375 33 349-22-08 (с. Ліліяна). Колькасць месцаў абмежаваная.
4-12 верасня Piligrymka.by арганізуе пілігрымку да месца пахавання св. Язафата Кунцэвіча ў Рым (Ватыкан). Падчас пілігрымкі вернікі наведаюць таксама Марыйны санктуарый у Чэнстахове, катэдральныя саборы св. Стэфана ў Вене і св. Марка ў Венецыі. Акрамя наведвання Ватыкана пілігрымы змогуць пакатацца на славутых гандолах у Венецыі, паслухаць Венскую оперу і інш.
Запрашаем у пілігрымку з удзелам у кангрэсе "Маці ў малітве" з наведваннем Чэнстаховы, Кракава, Лагеўнікаў, Кальварыі-Зэбжыдоўскай, Непакалянава (Польша).Запіс па тэлефонах: +375 29 77-393-77, +375 29 33-595-33, Наталья.

Праграма ўрачыстасцяў у санктуарыі Маці Божай Каралевы Палесся ў Лагішыне

Штогод 21-22 жніўня ў мястэчку Лагішын каля Пінска адбываюцца ўрачыстасці ў гонар Маці Божай Каралевы Палесся. Сёлета яны будуць праходзіць з нагоды 20-годдзя каранацыі абраза Маці Божай Лагішынскай і 100-годдзя Фацімскіх аб’яўленняў.

21 жніўня, панядзелак

18:00 – прывітанне кусташам санктуарыя ўдзельнікаў XX пешай пілігрымкі Баранавічы-Лагішын, XV пешай пілігрымкі Бяроза-Лагішын, а таксама першай пешай пілігрымкі вернікаў усходняга абраду Грэка-каталіцкай Царквы Івацэвічы-Лагішын
18:30 – адарацыя Найсвяцейшага Сакрамэнту
21:00 – Акафіст у выкананні хору грэка-католікаў
22:00 – святая Імша з удзелам пілігрымаў (палявы алтар)
Працэсія са свечкамі і абразом Маці Божай Каралевы Палесся
Канцэрт праслаўлення
Начное чуванне і адарацыя Найсвяцейшага Сакрамэнту

22 жніўня, аўторак

07:30 – Гадзінкі аб Беззаганным Зачацці Найсвяцейшай Панны Марыі
08:00 – святая Імша (перад абразом Маці Божай Каралевы Палесся)
10:00 – урачыстая св. Імша (палявы алтар)

Паводле catholic.by