Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Пятніца — IIІ Тыдзень Вялікага посту

ПЕРШАЕ ЧЫТАННЕ Ос 14, 2–10
Не будзем больш казаць «нашы багі» пра справы нашых рук

Чытанне кнігі прарока Осіі.

Так кажа Пан:

Вярніся, Ізраэль, да Пана Бога свайго, бо ўпаў ты ў беззаконні сваім. Вазьміце з сабою словы і навярніцеся да Пана. Скажыце Яму: Прабач усё беззаконне, а добрае прымі, і мы адплацім ахвярай нашых вуснаў. Асірыя не ўратуе нас, мы больш не будзем ездзіць на конях, не будзем больш казаць «нашы багі» пра справы нашых рук, бо ў Цябе сірата знойдзе спагаду.

Я вылечу іхнюю нявернасць, сардэчна палюблю іх, бо адвярнуўся ад іх Мой гнеў. Я буду для Ізраэля нібы раса. Ён расквітнее, як лілея, і пусціць карані свае, як Лібан. Разрастуцца галіны яго, і краса ягоная будзе як у алівы, а пах яго — нібы ад Лібана.

І вернуцца тыя, хто сядзеў у ягоным цені, і ажывуць, як зерне, расквітнеюць, як вінаград, і будуць згадваць пра яго, як пра лібанскае віно. Эфраім, якая табе справа да ідалаў? Я пачую і дагледжу цябе. Буду як зялёны кіпарыс, ад Мяне будзе твой плод. Хто мудры, няхай гэта зразумее, хто разумны, няхай ведае гэта. Бо простыя шляхі Пана, і справядлівыя будуць хадзіць па іх, а грэшнікі на іх спатыкнуцца.

Гэта слова Божае.

РЭСПАНСАРЫЙНЫ ПСАЛЬМ Пс 81 (80), 6c–8а. 8bc–9. 10–11аb. 14 і 17 (Р.: пар. 11а і 9а)

Рэфрэн: Я Пан, Бог твой, слухай Маё слова.

6. Я пачуў незнаёмую мову: *
7. Я вызваліў плечы яго ад цяжару,
яго рукі кінулі кашы. *
8. У няшчасці ты Мяне паклікаў, і Я ўратаваў цябе.

Рэфрэн:

Я адказаў табе са сховішча грому, *
каля водаў Мэрыба выпрабаваў цябе.
9. Слухай, народзе Мой, я засведчу табе, *
о, калі б ты Мяне паслухаў, Ізраэль.

Рэфрэн:

10. Не будзе пасярод цябе чужога бога, *
не будзеш пакланяцца іншаземнаму богу.
11. Я Пан, Бог твой, *
які вывеў цябе з зямлі егіпецкай.

Рэфрэн:

14. Калі б Мой народ Мяне паслухаў, *
калі б Ізраэль хадзіў Маімі шляхамі,
17. Я карміў бы іх найлепшай пшаніцай, *
насыціў бы іх мёдам са скалы.

Рэфрэн:

СПЕЎ ПЕРАД ЕВАНГЕЛЛЕМ Мц 4, 17

Акламацыя: Хвала Табе, слова Божае.

Пакайцеся, — кажа Пан, —
бо наблізілася Валадарства Нябеснае.

Акламацыя: Хвала Табе, слова Божае.

ЕВАНГЕЛЛЕ Мк 12, 28b–34
Пан Бог наш — Пан адзіны; любі Яго

+ Чытанне святога Евангелля паводле Марка.

У той час:

Адзін кніжнік, падышоў да Езуса і спытаўся ў Яго: Якая запаведзь першая з усіх? Езус адказаў: Першая такая: слухай, Ізраэль, Пан Бог наш — Пан адзіны; любі Пана Бога твайго ўсім сэрцам тваім, і ўсёю душою тваёю, і ўсім розумам тваім, і ўсёй моцаю тваёй. Другая: Любі бліжняга твайго, як самога сябе. Няма іншай запаведзі, большай за гэтыя.

І сказаў Яму кніжнік: Добра, Настаўнік, Ты праўду сказаў, што ёсць адзін і няма іншага, апроч Яго. Любіць Яго ўсім сэрцам, і ўсім розумам, і ўсёю душою, і ўсёю моцаю; і любіць бліжняга, як самога сябе — гэта больш за ўсе ахвяры і ўсеспаленні. Езус, убачыўшы, што той разумна адказвае, сказаў яму: Недалёка ты ад Валадарства Божага. І ніхто ўжо больш не адважваўся пытацца ў Яго.

Гэта слова Пана

Паводле catholic.by


Разважанне да Евангелля – Кніжнік – настаўнік малітвы

Часта малітву, г.зн. нашу размову з Богам, мы разумеем як вымаўленне пэўных фраз альбо літанію просьбаў, якія Ён павінен выканаць. Добра, што мы наогул молімся, але Бог прагне чагосьці большага. Ён жадае, каб мы з Ім размаўлялі альбо нават спрачаліся. Хоць сустрэча кніжніка з Езусам не была малітвай, аднак можа быць добрым яе прыкладам. Чалавек, які абапіраецца на ўласны жыццёвы вопыт, задае Езусу пытанне, а пасля ўважліва слухае Яго адказ. Больш таго, прымае адказ крытычна, ацэньвае і развівае яго, паказваючы, што глыбока яго зразумеў і з ім згадзіўся. Воля кніжніка і яго разуменне Пісання згаджаюцца з воляй Езуса. Паміж імі ствараецца такая дасканалая гармонія, што кніжнік чуе ад Езуса наступныя словы: Недалёка ты ад Валадарства Божага.

Пане Езу, навучы нас шчырасці ў малітве. Навучы нас пытацца ў Цябе і слухаць тое, што Ты кажаш. А таксама дапамажы нам няспынна імкнуцца да гармоніі з Табою.

Разважанні а. Даніэля Стабрылы OSB і а. Міхала Легана OSPPE
Пераклад разважання: Кацярына Дурко

Меткі: Пятніца, Слова Божае, Лекцыянарый, Разважанні

Друкаваць

  • Cемінар

    9-11 чэрвеня ў тэатральнай зале касцёла св. Сымона і св. Алены адбудзецца семінар "Ёсць два шляхі: шлях жыцця і шлях смерці". Пачатак 9 чэрвеня а 18:00. Праводзіць дабрачынны фонд "Адкрытыя сэрцы".

  • Кандак святога Рамана Сладкапеўцы пра дараваную грэшніцу

    7 чэрвеня ў касцёле св. Сымона і св. Алены адбудзецца спеў візантыйскага богаслужбовага дзейства VI ст. "Кандак святога Рамана Сладкапеўцы пра дараваную грэшніцу". Пачатак а 19:00.

  • Канікулы з Богам (5-14 чэрвеня 2017 г.)

    Запрашаем дзяцей і бацькоў з 5 па 14 чэрвеня ў Польшчу (Збічна) на Канікулы з Богам.

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.