Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

15 кастрычніка — успамін св. Тэрэзы ад Езуса, панны і доктара Касцёла (Чытанні з дня)

ПЕРШАЕ ЧЫТАННЕ Эф 1, 15–23
Паставіў Хрыста галавою Касцёла, які ёсць целам Ягоным

Чытанне Паслання святога апостала Паўла да Эфесцаў.

Браты:

Пачуўшы пра вашую веру ў Езуса Хрыста і пра любоў да ўсіх святых, не перастаю дзякаваць за вас Богу, успамінаючы вас у малітвах сваіх, каб Бог Пана нашага Езуса Хрыста, Айцец славы, даў вам Духа мудрасці і адкрыцця ў пазнанні Яго і прасвятліў вочы сэрца вашага, каб вы ведалі, у чым надзея паклікання Ягонага, якое багацце слаўнай спадчыны Ягонай для святых і якая нязмерная веліч моцы Ягонай у нас, веруючых праз дзеянне магутнай сілы Ягонай, якую Ён выявіў у Хрысце, калі ўваскрасіў Яго з мёртвых і пасадзіў праваруч сябе на нябёсах, вышэй за ўсялякае княжанне, і ўладу, і сілу, і панаванне, і за ўсялякае імя, якое называюць не толькі ў гэтым веку, але і ў будучым.

І ўсё пакарыў пад ногі Ягоныя, і паставіў Яго па-над усім галавою Касцёла, які ёсць целам Ягоным, паўнатою таго, хто напаўняе ўсё ва ўсім.

Гэта слова Божае.

РЭСПАНСАРЫЙНЫ ПСАЛЬМ Пс 8, 2–3а. 4–5. 6–7а (Р.: 7)

Рэфрэн: Даў Свайму Сыну ўладу над стварэннем.

2. О, Пане, Божа наш, *
якое велічнае імя Тваё па ўсёй зямлі.
Веліч Твая ўзносіцца па-над нябёсамі. *
3. З вуснаў дзяцей і немаўлят Ты ўчыніў хвалу.

Рэфрэн:

4. Калі я бачу Твае нябёсы, справу пальцаў Тваіх, *
месяц і зоркі, якія Ты ўмацаваў:
5. то чым ёсць чалавек, што Ты пра яго памятаеш, *
і сын чалавечы, што Ты ўзгадваеш пра яго?

Рэфрэн:

6. Ты ўчыніў яго мала меншым ад анёлаў, *
славаю і веліччу ўвянчаў яго.
7. Паставіў яго валадаром *
над справай рук Тваіх.

Рэфрэн:

СПЕЎ ПЕРАД ЕВАНГЕЛЛЕМ Ян 15, 26b. 27а

Акламацыя: Аллелюя, аллелюя, аллелюя.
Дух праўды будзе сведчыць пра Мяне, — кажа Пан, —
і вы таксама будзеце сведчыць.
Акламацыя: Аллелюя, аллелюя, аллелюя.

ЕВАНГЕЛЛЕ Лк 12, 8–12
Дух Святы навучыць вас у тую гадзіну, што трэба казаць

+ Чытанне святога Евангелля паводле Лукі.

У той час:

Езус сказаў сваім вучням: Кожны, хто вызнае Мяне перад людзьмі, таго прызнае і Сын Чалавечы перад анёламі Божымі. А хто адрачэцца ад Мяне перад людзьмі, ад таго адракуся і Я перад анёламі Божымі. Кожнаму, хто скажа слова на Сына Чалавечага, будзе адпушчана, а таму, хто блюзнерыць супраць Духа Святога, не будзе адпушчана. Калі вас прывядуць у сінагогі, і да кіраўнікоў, і да ўлады, не турбуйцеся, як або што адказваць, ці што гаварыць, бо Дух Святы навучыць вас у тую гадзіну, што трэба казаць.

Гэта слова Пана.


Разважанне да Евангелля: Дух Святы ў нашым жыцці

Дух Святы дзейнічае ў жыцці веруючых. Гэта ўзмацняе нас у любові Бога і дапамагае жыць у праўдзе. Дзякуючы гэтаму ствараецца наша асабістая повязь з Богам. Таму нам неабходна сведчыць аб ёй у адносінах з бліжнімі. Гэта магчыма толькі тады, калі мы насамрэч даверымся Святому Духу. Ён з’яўляецца Духам Праўды, які дапамагае нам у цяжкіх сітуацыях даваць сведчанне веры. Езус патрабуе гэтага ад апосталаў перад абліччам пераследу. Гэтага патрабуе Езус і ад нас, вучняў у сучасным свеце. Прыняцце Духа Праўды, стварэнне асабістай повязі – гэта давер. Затое адкідванне любові – гэта зрыванне повязі. А гэта з’яўляецца адмовай Святому Духу. Такая блюзнерская здрада не будзе прабачана.

Пане, перад Богам Айцом Ты прызнаўся да ўсяго грэшнага чалавецтва, каб нас збавіць.Цяпер я дзякуючы моцы Святога Духа прагну адкрыта казаць аб Тваёй любові да ўсіх.

Пераклад разважання: Кацярына Дурко

Меткі: Разважанні, Субота

Друкаваць

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • КРАСАВІК
    2017

    Тэатр Зніч

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.