Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Працэсія Божага Цела па вуліцах Мінска пройдзе 28 мая

28 мая па вуліцах сталіцы пройдзе Эўхарыстычная працэсія. Па традыцыі працэсіі будзе папярэднічаць святая Імша, якая распачнецца ў 9.00 каля касцёла Найсвяцейшай Тройцы (святога Роха) на Залатой Горцы.

Сёлета працэсія будзе прысвечана разважанню на тэму «Фацімскае пасланне Марыі — шлях да навяртання». Удзельнікі працэсіі будуць несці фігуру Маці Божай Фацімскай, перэгрынацыя якой адбываецца па парафіях Мінска-Магілёўскай архідыяцэзіі.

Каля кожнага з чатырох алтароў святары будуць прамаўляць казанні, прысвечаныя адной з чатырох таямніц Ружанца, да малітвы на якім асаблівым чынам заахвочвала Багародзіца падчас аб'яўленняў ў Фаціме. Ідучы ад алтара да алтара ўдзельнікі працэсіі будуць маліцца Святы Ружанец. Таму да ўдзелу ў працэсіі асабліва заахвочваюцца ўдзельнікі Ружанцовых колаў горада Мінска.

Завершыцца працэсія прыблізна ў 14.00 каля архікатэдры Імя Найсвяцейшай Панны Марыі (пл. Свабоды, 9). Падчас працэсіі — ад 9.00 да 14.00 — у мінскіх касцёлах, капліцах і іншых месцах малітвы горада святыя Імшы цэлебравацца не будуць. 

Кс. Кірыл Бардонаў
Паводле Сatholic.by

  • Cемінар

    9-11 чэрвеня ў тэатральнай зале касцёла св. Сымона і св. Алены адбудзецца семінар "Ёсць два шляхі: шлях жыцця і шлях смерці". Пачатак 9 чэрвеня а 18:00. Праводзіць дабрачынны фонд "Адкрытыя сэрцы".

  • Кандак святога Рамана Сладкапеўцы пра дараваную грэшніцу

    7 чэрвеня ў касцёле св. Сымона і св. Алены адбудзецца спеў візантыйскага богаслужбовага дзейства VI ст. "Кандак святога Рамана Сладкапеўцы пра дараваную грэшніцу". Пачатак а 19:00.

  • Канікулы з Богам (5-14 чэрвеня 2017 г.)

    Запрашаем дзяцей і бацькоў з 5 па 14 чэрвеня ў Польшчу (Збічна) на Канікулы з Богам.

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.