Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Аплаткавая сустрэча літоўскай дыяспары прайшла ў Мінску

20 снежня, у IV Нядзелю Адвэнту, у касцёле Найсвяцейшай Тройцы (св. Роха) адбылася аплаткавая сустрэча літоўскай дыяспары Мінска. Сустрэча пачалася святой Імшой на літоўскай мове, якую цэлебраваў кс. Міхал Бубен.

У гаміліі, каментуючы фрагмент нядзельнага Евангелля, святар звярнуў  увагу на прыклад Найсвяцейшай Панны Марыі і заахвоціў прысутных, нягледзячы на цяжкасці, якія сустракаюцца ў нашым жыцці, несці людзям Езуса Хрыста, як Марыя. 

Пасля Эўхарыстыі адбылося традыцыйнае дзяленне аплаткай і віншаванні з нагоды надыходзячага Божага Нараджэння. На пачатку святар благаславіў аплаткі і свечкі, каб кожны жадаючы мог узяць іх на вігілійны стол. Пасля малітвы прысутныя ўзгадалі тых з супольнасці, хто ўжо ад’ехаў на святы ў Літву. Асаблівым чынам узгадалі спадара Альвідаса Вайткунаса – консула, які летам 2015 г. скончыў сваю дыпламатычную місію ў Беларусі.

Святая Імша

Спадар Альвідас Вайткунас клапаціўся пра духоўнае развіццё групы – дапамагаў пры набыцці малітоўнікаў на літоўскай мове, актыўна супрацоўнічаў са святарамі, дапамог у арганізацыі зімовых канікул для міністрантаў мінскай парафіі Св. Сымона і св. Алены і г.д., чым і заслужыў добрую памяць у сэрцах мясцовых літоўцаў. 

Імша на літоўскай мове існуе ў Мінску ўжо на працягу чатырох гадоў. Распачаў яе ў касцёле св. Сымона і св. Алены Мітрапаліт Мінска-Магілёўскі арцыбіскуп Тадэвуш Кандрусевіч, першы час супольнасцю апекаваўся кс. Часлаў Адамовіч, а апошнія два гады – кс. Міхал Бубен.

Удзельнікі аплаткавай сустрэчы

На сённяшні дзень святая Імша адбываецца кожную трэцюю нядзелю месяца ў 14.00 у мінскім касцёле Найсвяцейшай Тройцы (св. Роха) на Залатой Горцы.

кс. Міхал Бубен з прадстаўніком літоўскай дыяспары

Дзяленне аплаткай

(BJ), (AG)
Фота А. Кершыс
Паводле: Catholic.by

Меткі: Мінск, Адвэнт

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • КРАСАВІК
    2017

    Тэатр Зніч

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.