Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Калядная акцыя «Caritas» — больш, чым проста хэндмэйд

20 снежня тэрыторыя мінскага Чырвонага касцёла ўяўляла сабой сапраўдны пляц «Caritas». У Чацвёртую нядзелю Адвэнту прадстаўнікі дыяцэзіяльных аддзяленняў «Caritas» прыехалі ў Мінск, каб прадставіць вырабы, якія яны змайстравалі разам з людзьмі з абмежаванымі магчымасцямі.

Гэтыя вырабы можна было набыць у падарунак родным і знаёмым на калядныя святы, а таксама дзеля таго, каб упрыгожыць вігілійны стол.

Вырабы, якія змайстравалі валанцёры Caritas разам з дзецьмі з абмежаванымі магчымасцямі

У нядзельную раніцу супрацоўнікі «Caritas» сустрэліся каля касцёла свв. Сымона і Алены, каб праз знаёмства з каляднымі вырабамі прыцягнуць увагу вернікаў да клопатаў патрабуючых, а таксама акцэнтаваць увагу на тым, чым з’яўляецца дабрачыннае каталіцкае таварыства «Caritas» у Беларусі і якую ролю яно адыгрывае ў жыцці Касцёла і ўсяго грамадства.

У прадстаўнікоў «Caritas» можна было падрабязней даведацца аб дзейнасці, якую вядзе дабрачыннае таварыства, і запісацца ў валанцёрскі рух.

Валанцёры Сaritas

Валанцёры «Caritas» Віцебскай дыяцэзіі распавялі, што тыя вырабы, якія яны прадставілі на акцыі, рабілі валанцёры разам з групай «Betel», у якой сацыяльныя работнікі займаюцца з людзьмі, якія маюць псіха-фізічныя захворванні.

Каля чатырох гадзін штодня яны прысвячалі вырабу разнастайных сувеніраў — ад калядных паштовак да імбірнага печыва на навагоднюю ёлку. Як заўважаюць самі валанцёры, такога роду праца вельмі неабходная. Ужо на працягу некалькіх гадоў можна заўважыць, як удзельнікі групы ўзрастаюць у сваіх здольнасцях, а здольнасці ў іх сапраўды вялікія.

Свечкі

«Такой шчырасці і адданасці справе яшчэ трэба павучыцца!» — дадае Ганна, валанцёр «Caritas» Віцебскай дыяцэзіі, якая яшчэ ў школьным узросце прыйшла ў валанцёрскі рух, каб дапамагаць патрабуючым.

Прадстаўнікі «Caritas» Гродзенскай дыяцэзіі прапанавалі пачытаць памяткі аб дзейнасці, якая вядзецца на Гродзеншчыне, а таксама распавялі, што тыя вырабы, якія яны прадставілі, старанна рабілі валанцёры, штодня ахвяроўваючы свой час.

Дзеці ахвяруюць сродкі для хворых на анкалогію

Аддзяленне «Caritas» Мінска-Магілёўскай архідыяцэзіі таксама знаёміла са сваёй працай і заахвочвала тэлефанаваць на дабрачынную лінію арганізацыі са стацыянарнага тэлефона, тым самым ахвяруючы сродкі на ўтрыманне дома ў цэнтры cв. Лукі, у якім жывуць сем’і з дзецьмі, хворымі на анкалогію.

Што значыць быць міласэрным у стаўленні да бліжняга? Здаецца, столькім трэба дапамагаць — і дзецям, і самотным людзям, — што адзін чалавек можа зрабіць? Але такі чалавек забываецца, што і мора складаецца з мноства кропелек — трэба толькі пачаць.

Арганізацыя «Caritas» выказвае падзяку ўсім, хто далучыўся да акцыі, і жадае, каб добры Бог бласлаўляў ва ўсіх іх справах.

Кацярына Мальцава, (IL)

Паводле: Catholic.by

Меткі: харытатыўнасць, Caritas, Каляда, Адвэнт

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • КРАСАВІК
    2017

    Тэатр Зніч

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.