Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

  • Галоўная
  • Парафія
  • Навіны
  • Мітрапаліт Кандрусевіч благаславіў адноўлены курган памяці слугі Божага Эдварда Вайніловіча ў Капыльскім раёне

Мітрапаліт Кандрусевіч благаславіў адноўлены курган памяці слугі Божага Эдварда Вайніловіча ў Капыльскім раёне

12 лістапада арцыбіскуп Тадэвуш Кандрусевіч наведаў парафію Свв. Апосталаў Пятра і Паўла ў Капылі. Нагодай да наведвання парафіі стала благаслаўленне адноўленага кургана памяці слугі Божага Эдварда Вайніловіча каля в. Савічы Капыльскага раёна, дзе быў пахаваны яго род.

Мітрапаліт Кандрусевіч, вернікі і прадстаўнікі раённай улады.

У цырымоніі благаслаўлення памятнага месца акрамя іерарха прымалі ўдзел пробашч Чырвонага касцёла ў Мінску кс. Уладзіслаў Завальнюк, пробашч парафіі Свв. Апосталаў Пятра і Паўла ў Капылі кс. Аляксандр Тарасевіч, вернікі і прадстаўнікі раённай улады. 

Пасля благаслаўлення кургана адбылася святая Імша, якую ў капыльскім касцёле ўзначаліў Мітрапаліт Тадэвуш Кандрусевіч.

Мітрапаліт благаславіў адноўлены курган памяці слугі Божага Эдварда Вайніловіча

У гаміліі арцыпастыр нагадаў вернікам, што ў гэты дзень Каталіцкі Касцёл адзначае ўспамін святога Язафата, біскупа і мучаніка, які нарадзіўся ў 1580 г. ва Украіне і прыняў мучаніцкую смерць у Віцебску ў 1623 г.

У сваім біскупскім служэнні св. Язафат імкнуўся да ажыццяўлення закліку Езуса: «Каб усе былі адно». Гэты заклік, выказаны Хрыстом падчас Апошняй Вячэры, з’яўляецца запаветам Езуса.

«Наш Збаўца добра ведаў, што ў Касцёле па прычыне граху наступяць падзелы, і таму заклікаў маліцца аб адзінстве, — адзначыў іерарх. — Справа адзінства хрысціян заўсёды была актуальнай і такой з’яўляецца ў наш час.

Нагадваючы аб адзінстве хрысціян, Езус падкрэсліваў, што яна патрэбна для таго, каб свет паверыў. Гэта азначае, што праблема адзінства хрысціян з’яўляецца праблемай захавання, умацавання і распаўсюджвання веры», — сказаў іерарх.

святая Імша з удзелам Мітрапаліта Тадэвуша Кандрусевіча

«Калі людзі бачаць нас — праваслаўных, католікаў і іншых хрысціян — аб’яднанымі, то ім лягчэй паверыць у Бога, бо тады мы разам абвяшчаем адну веру, разам абараняем і распаўсюджваем хрысціянскія каштоўнасці», — падкрэсліў арцыбіскуп Кандрусевіч.

Як адзначыў іерарх, гэта добра зразумеў стагоддзе таму слуга Божы Эдвард Вайніловіч, які ў тыя далёкія часы стаў адным з тых, хто сваім прыкладам сведчыў пра магчымасць міжхрысціянскага і міжрэлігійнага дыялогу.

«Ён дзейнічаў не толькі словамі, але і канкрэтнымі справамі, жыў не тэарэтычным, але практычным экуменізмам. Ён пабудаваў не толькі Чырвоны касцёл у Мінску, які з’яўляецца візітнай карткай сталіцы Беларусі, але і праваслаўную царкву, а таксама мячэць і сінагогу», — сказаў арцыбіскуп Тадэвуш Кандрусевіч.

«У наш час вельмі небяспечных выклікаў нам усім неабходна прытрымлівацца еднасці, вучыцца адзін у аднаго, браць прыклад у захоўванні маральнага права і бараніць хрысціянскія традыцыі, аб чым сведчыць супольная сустрэча Папы Рымскага Францішка і Патрыярха Маскоўскага і Усяе Русі Кірыла, якая прайшла 12 лютага 2016 года на Кубе», — заключыў іерарх.

Арцыбіскуп заахвоціў прысутных не шкадаваць высілкаў і малітвы для дасягнення еднасці хрысціян і маліцца, каб праз заступніцва св. Язафата і слугі Божага Эдварда Вайніловіча як мага хутчэй ажыццявілася малітва Хрыста і настала бачнае адзінства хрысціян.

 духоўны канцэрт хору з Чырвонага касцёла

Пасля Імшы ў капыльскім Палацы культуры быў прадстаўлены духоўны канцэрт хору з Чырвонага касцёла.

 Паводле catholic.by

phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-
phoca thumb l kopyl-

Меткі: хор “Голас душы” , кс. Уладыслаў Завальнюк, бп. Тадэвуш Кандрусевіч, Гісторыя, Эдвард Вайніловіч

  • Cемінар

    9-11 чэрвеня ў тэатральнай зале касцёла св. Сымона і св. Алены адбудзецца семінар "Ёсць два шляхі: шлях жыцця і шлях смерці". Пачатак 9 чэрвеня а 18:00. Праводзіць дабрачынны фонд "Адкрытыя сэрцы".

  • Кандак святога Рамана Сладкапеўцы пра дараваную грэшніцу

    7 чэрвеня ў касцёле св. Сымона і св. Алены адбудзецца спеў візантыйскага богаслужбовага дзейства VI ст. "Кандак святога Рамана Сладкапеўцы пра дараваную грэшніцу". Пачатак а 19:00.

  • Канікулы з Богам (5-14 чэрвеня 2017 г.)

    Запрашаем дзяцей і бацькоў з 5 па 14 чэрвеня ў Польшчу (Збічна) на Канікулы з Богам.

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.