Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Святая Імша для людзей з парушаным слыхам

З вясны 2008 года па нядзелях у 13.00 у мінскай капліцы Маці Божай Будслаўскай у мікрараёне Кунцаўшчына праводзяцца Святыя Імшы для глуханямых. Напачатку з гэтай катэгорыяй рыма-каталікоў Мінска пачаў працаваць кс. Віталь Дабраловіч з Гродна. Потым яго працу працягнуў пробашч сталічнага прыходу Маці Божай Будслаўскай.

На цяперашні час душпастырствам вернікаў з парушэннямі слыху займаецца кс. Францішак Рудзь. Гаворка ідзе не толькі пра правядзенне набажэнстваў для глуханямых, але і пра паўнавартасную духоўную апеку над імі. Такая праца патрабуе ад святара ведаў не толькі побытавай мовы жэстаў, але і рэлігійнай тэрміналогіі на гэтай мове.

Група верникаў з парушаным слыхам у касцёле св. Сымона і св. Алены.
Група верникаў з парушаным слыхам у касцёле св. Сымона і св. Алены.

У касцёле св. Сымона і св. Алены кс. Францішак Рудзь служыць Святую Імшу для людзей з парушэннем слыху адзін раз на месяц па нядзелях. Групу вернікаў у касцёле арганізуе Тадэвуш Генрыхавіч Бекіш, рэжысёр народнага тэатра пантамімы «Рух», заслужаны дзеяч культуры Беларусі. Ён нарадзіўся і выхоўваўся ў Гродна ў сям’і з каталіцкімі традыцыямі.

Касцёл праз вывучэнне і даследаванне розных псіхалагічных аспектаў штодзённага жыцця глуханямых імкнецца дапамагчы людзям, якія чытаюць па вуснах і гавораць з дапамогай жэстаў. Як гэта цяжка, лёгка пераканацца, прысутнічаючы на служэнні: святар прамаўляе словы малітвы адначасова з жэстамі, і ўся група вернікаў уважліва паўтарае за ім.

Тадэвуш Бекіш і кс. Францішак Рудзь
Тадэвуш Бекіш і
кс. Францішак Рудзь

“Служба святара – гэта праца з людзьмі, патрэба тлумачыць ім Святое Евангелле”, – кажа кс. Францішак. – “Місія святара – дапамагчы зразумець Божае Слова, якое для нас заўсёды жывое і актуальнае. Пакліканне Царквы – быць адкрытым для кожнага чалавека. Я імкнуся наладзіць дыялог з людзьмі з парушаным слыхам. Падчас казання мне дапамагае з перакладам Тадэвуш Бекіш. У Гродна ў пабрыгіцкім касцёле для тых, хто не чуе, служаць два духаўніка – кс. Валерый і кс. Віталь”.

У Мінску мы збіраемся ў бібліятэцы імя А.Міцкевіча, што знаходзіцца ў Чырвоным касцеле”, – працягвае кс. Францішак. – “Перад сакрамэнтамі Хрышчэння ці Шлюбу я імкнуся вытлумачыць значэнне гэтых таінстваў. Любоў Божая выліваецца для ўсіх, ніхто не можа быць адкінуты ад яе. Я імкнуся звярнуць увагу на жыццё Хрыста, як Ён аказваў дапамогу хворым, паралізаваным, сляпым, глухім. Многія людзі шукалі Хрыста, імкнуліся апынуцца каля Яго, прасілі Яго пра ацаленне. Калі мы збіраемся на Літургіі, мы дзякуем Богу за тое дабро, якое мы атрымліваем, за тых людзей, з якімі мы сустракаемся, просім дабраславення на кожны дзень”.

“Касцёл дапамагае нам захоўваць душэўны спакой, дабрыню ў сям'і. Паказвае прыклад, як любіць адзін аднаго, як добра ставіцца да людзей і да усіх жывых істот. Нядаўна нашу групу вернікаў папоўнілі студэнты, якія прыехалі ў Мінск вучыцца. 13 лістапада 2014 года мы з нашымі вернікамі ездзілі ў Польшчу, наведалі 4 гарады, аглядалі касцёлы, гістарычныя помнікі і музеі. У гэтым годзе таксама збіраемся паехаць у падарожжа ад арганізацыі вернікаў з Гродна”, - падзяліўся думкамі Тадэвуш Генрыхавіч Бекіш.

Сябра Таварыства беларускай мовы імя Ф. Скарыны
Эла Дзвінская
+375 29 277-19-35

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.