Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Колеры літургічных адзенняў

Ужо у старажытнасці выкарыстоўвалася літургічнае адзенне розных колераў, аднак спачатку правілы выбару колеру не былі дакладна акрэсленыя. Толькі ў XIII ст. яны былі сістэматызаваныя, а ў XVI ст. зацверджаныя на Трыдэнцкім саборы. 3 невялікімі зменамі гэтыя прынцыпы захаваліся да нашага часу. Разнастайнасць колераў літургічнага адзення дапамагае лепш зразумець значэнне цэлебраваных таямніцаў веры і сэнс развіцця хрысціянскага жыцця на працягу літургічнага года.

Зялёны колерЗялёны колер

Зялёны колер сімвалізуе надзею, маладосць, справядлівасць і адраджэнне.

Літургічнае адзенне зялёнага колеру ўжываецца ў дні Звычайнага перыяду. 


Белы колерБелы колер

Белы колер сімвалізуе чысціню, нявіннасць, радасць, святло і святочны настрой.

Літургічнае адзенне белага колеру ўжываецца:

- у Імшах Велікоднага перыяду і перыяду Нараджэння Пана;
- на цэлебрацыях Пана, якія не датычаць Ягонай Мукі;
- на цэлебрацыях Найсвяцейшай Панны Марыі, святых анёлаў, святых, якія не былі мучанікамі;
- на урачыстасцях Усіх Святых (1 лістапада) і св. Яна Хрысціцеля (24 чэрвеня);
- у святы св. Яна Евангеліста (27 снежня), катэдры св. Пятра (22 лютага) і Навяртання св. Паўла (25 студзеня).


Чырвоны колерЧырвоны колер

Чырвоны колер звычайна асацыюецца з крывёю. Літургічнае адзенне такога колеру святары апранаюць на цэлебрацыях Мукі Пана, у святы пераможнай смерці Апосталаў і Евангелістаў (за выключэннем св. Яна Евангеліста), на цэлебрацыях святых мучанікаў. Гэта таксама колер агню, таму чырвонае літургічнае адзенне мы бачым і ва ўрачыстасць Спаслання Духа Святога, сімвалам якога з'яўляецца агонь.


Фіялетавы колерФіялетавы колер

Фіялетавы колер стварае настрой засяроджанасці, чакання, пакаяння.

Літургічнае адзенне фіялетавага колеру выкарыстоўваецца ў перыяды Адвэнту і Вялікага посту, а таксама падчас пакутных набажэнстваў і набажэнстваў за памерлых.


Ружовы колерРужовы колер

Ружовы колер сімвалізуе радасць з прычыны таго, што збаўленне ўжо блізка. У літургічным годзе ёсць толькі два дні, калі святар можа апранаць літургічнае адзенне такога колеру: IV нядзеля Вялікага посту (Laetare) і III нядзеля Адвэнту (Gaudete).


Залацісты колерЗалаты колер

Залаты колер сімвалізуе багацце і гонар. Літургічнае адзенне такога колеру ўжываецца падчас больш урачыстай цэлебрацыі. Можа заменяць любы колер акрамя фіялетавага.

Паводле кнігі "Святая Імша. 100 пытанняў і адказаў"

Меткі: Моладзь, Міністрант

  • ЧЭРВЕНЬ
    2017

    Тэатр Зніч

  • МАЙ
    2017

    Тэатр Зніч

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.