Сакрыстыя працуе: 8:00 – 20:00 Тэл.: 8 017 200-44-15

Пошта: chyrvony@tut.by Мы ў сацыяльных сетках:      

Чырвоны касцёл у 1960-я — раней невядомыя фоты

Раблю архітэктарам. Нядаўна мне ў рукі патрапіў альбом «Обмерные чертежи зданий бывшей киностудии научно-популярных фильмов. Том I», 1969 г. (арыгінальная назва). Акрамя стандартных чарцяжоў (планы, фасады, разрэзы, вузлы і г.д.) у альбом уклеены фотаздымкі касцёла: фасады, інтэр'еры, вузлы, архітэктурныя элементы. Хутчэй за ўсё гэтыя фоты былі зробленыя ў 1969 г., калі касцёл знаходзіўся ў поўным занядбанні. Раней ніколі іх не бачыў на прасторах інтэрнэту і вырашыў, што някепска было б іх паказаць шырокай аўдыторыі.

Падрабязней

Касцёл Святога Сымона і Святой Алены

Касцёл Святога Сымона і Святой Алены
Касцёл Святога Сымона і Святой Алены

Касцё́л Свято́га Сымо́на і Свято́й Але́ны (таксама вядомы як Чырво́ны касцё́л) — каталіцкі парафіяльны касцёл у неараманскім стылі ў Мінску, пабудаваны ў 1905—1910 гг. на грошы Эдварда Адамавіча Вайніловіча (1847—1928), вядомага гаспадарчага і палітычнага дзеяча Расійскай імперыі і Беларусі, віцэ-старшыні (а з 1907 г. і старшыні) Мінскага таварыства сельскай гаспадаркі, у памяць аб яго заўчасна памерлых дзецях — Сямёну (Сымону) і Алене Вайніловічах.

Касцёл знаходзіцца на плошчы Незалежнасці ў непасрэднай блізкасці ад Дома ўрада і з'яўляецца адным з сімвалаў Мінска. Ён атрымаў у народзе неафіцыйную назву «Чырвоны касцёл» з-за колеру дахоўкі і цэглы, з якой быў пабудаваны, і з'яўляецца вялікай святыняй, помнікам культуры і гісторыі, які абараняецца законам Рэспублікі Беларусь. Пры касцёле пахаваны сам фундатар Эдвард Адамавіч Вайніловіч.

Падрабязней

Гісторыя касцёла Св. Сымона і Св. Алены

Святары Чырвонага касцёла,
Вы Хрыстова Слова гадавалі.
Крылы багавернага анёла
Асланялі ўкленчаныя далі.
Ратавалі душы, А наўкола
Захлыналі ўсё знявер’я хвалі.
Свет як незамкнёная стадола,
Дзе грахоў чароды значавалі.
Памяці свянцоныя скрыжалі
Апусціліся зялёнадола.
Вы святую веру захавалі,
Святары Чырвонага касцёла.
Рыгор Барадулін

Падрабязней

  • Учынак міласэрнасці альбо як дапамагчы блізкаму чалавеку

    Моладзь касцёла святога Сымона і святой Алены (Чырвоны касцёл) запрашае вернікаў далучыцца да дабрачыннай акцыі “Светлае Свята Вялікадня”, якая будзе дзейнічаць на працягу ўсяго Вялікага посту. Падчас яе кожны з удзельнікаў можа стварыць арыгінальную паштоўку, цудоўную вербачку альбо іншы велікодны падарунак.

  • КРАСАВІК
    2017

    Тэатр Зніч

  • САКАВІК
    2017

    Тэатр Зніч

  • «Горад Францішка Скарыны вачыма мастакоў»: у Чырвоным касцёле адкрыецца выстава ў гонар першадрукара

    Адкрыццё выставы пройдзе ў дольным касцёле Чырвонага касцёла перад святам святых Кірыла і Мятода, апекуноў Еўропы, якое ў Каталіцкім Касцёле адзначаецца 14 лютага.

  • Канікулы з Богам

    Запрашаем дзетак з 7 да 12 год на Канікулы з Богам у цэнтры CARITAS у Ляскоўцы

  • Шукаем памочнікаў

    Кожны з вучняў Хрыста пакліканы да евангелізацыі. Святы айцец Францішак вельмі часта ўзгадывае аб гэтым ў сваіх прамовах і казаннях. Ён асабіста з вялікай інтэнсіўнасцю імкнецца рэалізаваць гэта. Нават у капліцы Дома св. Марты кожны дзень кажа імправізаваныя пропаведзі.